70岁歌后生活无忧　直认做包租婆：冚嘭唥都租晒畀人

70岁的朱咪咪拥有出色唱功及独特的台风，为70年代的粤语小调歌后。后来朱咪咪加入无线（TVB）拍剧，更获“TVB御用阿妈”之称。近年减少幕前演出，于2017年返新加坡与两个儿子及新抱同住4,000呎大宅。身家丰厚的她生活无忧，有指她在香港、新加坡及马来西亚拥近10间物业，保守估计有上亿身家，日前她作客资深传媒人汪曼玲的YouTube 节目《快拍.曼镜头》直认是包租婆：“我啲屋冚嘭唥都租晒畀人，好过丢空。（连一间几百呎都唔留俾自己呀？）几百呎都租埋。”她曾在短片中曝光新加坡两层半大屋，客厅内摆放了一个玻璃柜，整个柜都摆满了金器，非常奢华！

朱咪咪透露目前主力在新加坡做家务：“抹地、扫地、睇住只狗和煮狗饭，我又唔钟意出街。”虽然贵为圈中富婆，但朱咪咪从不请工人：“我屋企未请过工人，所有嘢都系我自己一手一脚做，我住新加坡𠮶啲两层半嘅屋都系我自己一个人做，我冇请过工人。”即使出埠演出朱咪咪亦不喜欢带助手：“坐10几个钟头飞机，我好时都唔想人哋辛苦，飞美国加拿大好惨㗎，坐经济客位，跟住我做咩啫，得个坐字。（你去到酒店都要人哋打点吓？）唔使，人哋都唔知我个show要乜，我助手都唔知，最多帮我拎嘢。我又唔系跛嘅，我唔话俾人服侍，斟茶递水。”朱咪咪又笑言自己收得贵，但演出未停过：“我通常唱都唔会唱少，一个月都至少一、两单。”

除此之外，朱咪咪亦会抽空到老人院演出：“如果我要唱老人院，我会问义工有几多个老人家，如果有100个我就会买定120件小食，多出嚟𠮶啲就畀义工食。香港又系新加坡都系，买嘢喺我嘅心意，老人家喺老人院入面冇乜好食。”