汪明荃澳门个唱罗家英晒恩爱 同观众讲全身衫裤鞋都系老婆送
汪明荃的《阿姐Diva汪明荃演唱会2025》澳门站由天星娱乐、棋人娱乐、宝辉娱乐及万星国际娱乐文化主办，日前于“澳门百老汇™”-百老汇舞台圆满完成，全场爆满，场面热闹。
Liza姐一出场先唱出《闪烁登场》和《迷人PINKLADY》，之后她说：“多谢多谢，大家好吗？澳门嘅朋友你哋好，嚟自香港嘅朋友你哋好，嚟自内地、北京、上海、东莞、顺德嘅好多好多朋友都欢迎你哋。真系好耐冇嚟澳门啦，上一次已经系隔离嘅时候，系2022年，我记得果阵时系要隔离14日先可以出嚟唱歌。”此时刚巧有一位男观众迟了进场在找座位，Liza姐看到后说：“小心呀果位先生，睇唔睇到个位？你个位好好呀，欢迎你，迟咗小小唔怕，重有好多歌听，我今晚好开心嚟到百老汇舞台，大家有冇留意我今次海报果个logo呀，睇睇啲字，由左至右读就系英文嘅DIVA，但系你当睇中文又得㖞，系写住《阿姐》，睇唔睇到呀？所以我觉得呢个logo设计得好特别，系两用嘅，其实咩称呼都系一句啫，无论系DIVA又好，阿姐又好，汪明荃仍然系汪明荃系Liza，我都系将最好嘅一面送比观众，所以好希望大家今晚放开心情，好轻松咁听我唱歌，同埋欣赏我哋为大家安排嘅节目，系度送比大家嘅系《天虹》。”
阿姐唱毕《天虹》后说：“我嘅歌曲里面电视剧主题曲系占咗一个好重要嘅位置，今晚当然会有好多首本名曲同埋电视剧主题曲送比大家听，你哋睇下我今日呢件衫似唔似一只金丝雀？送比大家呢一首《金丝雀》。”在唱过电视剧《秋海棠》及《京华春梦》的歌曲后，Liza姐说：“啱啱睇返好多旧剧照都充满回忆，现场有好多观众可能太细个未睇过呢啲剧集，果阵时拍剧通告日接夜，夜接日，都几辛苦，但亦都好感恩透过呢啲作品拍咗好多好嘅剧，令到大家认识我，系呢几十年大家都好支持我汪明荃，而家就送比大家另一首电视剧主题曲《用爱将心偷》。”
多谢台前幕后每个岗位大家配合成就一个GoodShow
在换过另一套全红色的服饰后，阿姐再度出场，为大家一口气唱了《银河》、《华丽转身》及《倾城之恋》，接著她说：“头先跳果只舞好唔好睇？要多谢SunnyWong老师为我编舞，同埋佢都成日同我练舞，总之多谢台前幕后每一个岗位，有佢哋嘅配合先至可以成就一个GoodShow，跟住我就想唱几首邓丽君嘅国语歌曲比大家听，好唔好？你哋可唔可以开手机灯一齐参与，帮我打拍子，手机灯唔会用大家好多电。”阿姐接著便唱了《甜蜜蜜》、《夜来香》、《月亮代表我的心》和《路边野花不要采》四首经典国语歌，之后传来了家英哥的声音：“好嘢，冇得顶呀，不过阿姐唱歌嘅内容令我好心惊。”
阿姐问：“好心惊？”家英哥：“你叫我路边野花不要采吖嘛。”阿姐：“你自己对号入座啫。”家英哥：“我听你话所以我路边野花不要采，我就采我嘅家花。”此时家英哥拿出一枝玫瑰花送给阿姐，家英哥问：“大家认为我系咪一个合格嘅老公？”此时台下掌声不断，阿姐：“哗，好多人撑你呀，大家比多啲掌声家英哥。”家英哥：“妳咁样讲法证明你有眼光揾到个好老公。”阿姐：“你讲嘢都几动听，咁就将以下时间交比你。”
在一番台上打情骂俏后，阿姐便回后台换衣服，家英哥：“多谢晒，其实太后揾我唱歌嘅原因系乜嘢呢？大家知唔知呀？因为我靓仔？想介绍老公比大家识？梗系唔系啦，因为太后带咗好多靓衫嚟，咁啲靓衫系攞嚟换嘅，咁换衫就需要时间，咁呢个时间揾边个去“衬”呢？咁梗系揾老公去做啦，所以我想同大家倾下计，讲下嘢，唱下歌，讲啲笑话等大家开心下，咁太后就可以去换衫，换完靓衫出嚟就继续为大家唱歌，大家系咪继续咁开心呀？所以我系咪好有用呢？呢个时间我想唱一首歌，呢首歌就系因为每逢4月1号我都好挂住一个朋友，挂住张国荣，我同佢一齐做过好多套戏，包括《金玉满堂》同《色情男女》等等，同时佢对粤剧都好有兴趣，得闲果阵佢成日问我啲做手系点，转个身睇下，揈个水袖睇下，哥哥经常同我倾呢啲计，所以我哋好多嘢讲，系呢个时间我送呢首歌比大家《侬本多情》。”
追求艺术无分国界
换过一身翡翠绿服饰的Liza姐在舞蹈员伴舞下献唱了由《辛弃疾-青玉案•元夕》、《苏轼-蝶恋花•春景》和《李清照-声声慢》组成的宋词组曲，之后她说：“我对艺术嘅追求绝对系无分国界，无论古今中外，只要系出色嘅我都有兴趣学，啱啱唱呢3只歌系出自宋代出名嘅词，除咗诗词之外，大家都知我钟意做粤剧，咁我曾经系电视演过穆桂英呢个角色，不过我最近升咗“呢”，因为我想突破自己，所以我系粤剧做埋佘太君个角色，系度我就送呢首《杨门女将》比大家。”然后阿姐说：“我即将唱一啲轻松嘅小调，大家又要准备手机灯，大家一齐唱，一齐打拍子，好唔好？第一首系《扑蝶》，等大家轻松下。”及后阿姐唱了《像白云像清风》便结束了这部份的演出。
汪阿姐多谢大家对她58年的支持
家英哥再度出场便问观众：“我系咪好靓仔呀？件衫靓唔靓呀？裤同鞋都系同一个牌子，顶帽都系，老婆送嘅，多谢老婆，其实件衫本来佢系买比自己著，不过件衫太大，我问佢点著，咁佢就比我试，睇下我啱唔啱著，点知我一试就变成而家咁样，跟住试埋条裤，又fit到极，其实佢买衫唔系买比自己，佢个心谂住我，所以买咗件衫比我，多谢，著到我又青春又靓仔。”家英哥之后便唱出他中英文歌词交替的《OnlyYou》，及后Liza姐再度出场唱出《家变》，“呢首歌系电视剧《家变》嘅主题曲，当时我饰演女主角洛琳，佢系剧入面嘅发型同时装都有好多女仔钟意，而女强人呢三个字亦都系因为呢套剧先开始有，其实拍剧有机会唱好歌同拍到一部好嘅剧之外，亦都有好多机会同靓仔合作，好似四哥谢贤、周润发、秋官、任达华、林子祥同刘松仁，马上带比大家呢首永恒嘅歌《京华春梦》。”
Liza姐再说：“今晚有啲歌系用咗新编曲，有耳目一新嘅感觉，要多谢我嘅音乐总监赵增熹，佢成日同我练歌，系呢度我亦要多谢乐队、和音、中乐老师，多谢晒，最重要系多谢大家对我嘅支持，因为我唔知仲可以唱几多次？所以非常感激每一次演唱会入场嘅观众，多谢你哋支持咗我58年，听返呢啲歌我自己都非常感动，因为呢啲歌可以唱咗几十年，同埋而家嘅观众都系咁拥护我，多谢大家支持。时间过得好快，又去到法定时间嘅最后一首歌，只要大家开心同埋有掌声，一阵我会返出嚟再唱歌比大家听，送比大家《勇敢的中国人》。”
和家英哥合唱《万水千山总是情》为演唱会澳门站划上圆美句号
在Encore部份，Liza姐先唱出了《热咖啡》，接著她说：“我今日系歌手，听日可以系粤剧嘅演员，我亦都有去做一啲行政嘅工作，为业界做贡献，每一个岗位我都尽心尽力去做，因为我知道大家对汪明荃系有好高嘅期望，有好多要求，所以我系要不断改进同增值，系呢度要多谢你哋嘅支持，陪我一齐行呢条娱乐之路，同大家分享《美丽娱乐世界》。”在唱毕演唱会主题曲《Makemyday》后，Liza再度邀请哥出现在台上，他俩合唱了《万水千山总是情》，并为今次演唱会澳门站划上圆美句号。《阿姐Diva汪明荃演唱会2025》即将分别于5月3日在上海亦即阿姐的家乡和6月13日在广州举行，喜欢她的歌迷，万勿错过。