夺命提示｜郭柏妍预告孖妹回归？ 刘颖旋冇特别留意太性感批评
TVB剧集《夺命提示》日前（13日）于红磡一商场举办的宣传活动，一班演员盛装出席活动。上星期播出的集数中，刘颖旋与郭柏妍以性感孖女装现身，成功吸睛，二人活动后接受《香港01》的访问被问到要穿这样性感会否害怕。
刘颖旋表示在服装上不会担心：“因为每一个造型都系透过我哋嘅designer同埋我哋嘅监制沟通去设计出嚟，因为佢哋全部基本上都系度身订做，所以就已经系保证咗我哋系会好安全。”郭柏妍就说因为在试身时，反复试过多次才得出这个结果：“所以拍摄嘅时候都好安心，同埋有一个好好嘅地方就系公司有好厉害嘅剪接师，佢会帮我哋剪走晒所有佢哋觉得唔适合嘅画面，所以我都好安心。”
对于上星期二人穿著粉红色女仆装出席宣传活动，对此有不少的批评，而刘颖旋就表示没有留意到：“批评我又冇特别留意到㖞，只不过系我会觉得大家系好surprise嘅，即系冇估到我哋会喺个宣传活动度著返我哋嘅戏服出嚟。”而她们其实想大家见到角色里面的演出服装，更能代表“Double C”，即是Cass同埋Carmen这两个角色。
被问到“孖妹装”会否再次现身，郭柏妍就笑指叫大家留意一下，难道孖妹真的会再次现身：“估唔到大家都会对于我哋个服装有咁深刻嘅印象，同埋因为个服装我自己都觉得几得意嘅，好似行一个偏漫画风咁样嘅风格，咁都系比较少见嘅，如果为咗个宣传我都希望大家开心啰。”
二人被问到有网民批评她们过于性感，而她们就表示是抱住以一个女团的心态，还有就是有一点点漫画成份的造型，并非单一的卖性感。相比上次宣传，今次的装束则比较保守，，刘颖旋指因为今次的dress code是晚装：“所以全部都系畀我哋自己去选择嘅，我本身都系钟意呢类型嘅裙，所以就拣返自己平时可能都会著嘅嘢。”而上次因为想让观众感受到她们在剧里面有这些特别的造型，才会被安排穿著这么性感的戏服出场。