足球女将｜Rose Ma 曾感到自我价值低：成个月匿埋喺屋企唔见人

ViuTV综艺节目《足球女将》上月在网络洗版，令一众女足成员突破社交媒体框架，令观众对她们有更深认识，当中Rose Ma马俊怡在节目中令人感觉耳目一新，她不是球技好，跑得最快，但观众透过节目可看到她的真性情。

Rose Ma当年动漫展showgirls出身，给人感觉性感及性格爽朗，但五年前曾经历人生谷底，困在家中一整个月不出门，出门也是因为要看心理医生，她说：“觉得大家好似睇我唔起，我好似系过街老鼠⋯⋯”

场地提供：日本清酒藏所

为《足球女将》一星期练足六日

Rose Ma马俊怡当日参加ViuTV综艺节目《足球女将》，其中一个原因是她想参与一些群体活动，她对上一次参与群体活动，已是求学时期当童军，而参与这个节目，她知道不是闹著玩，是要认真操练，但没想过是这么辛苦，她说：“真系日晒雨淋，一星期练三、四日，我再自己揾人加操两日，即系操咗六日，好辛苦，化妆师话我黑咗两度，唔好睇我似大大份份咁，我身体好弱，真系有一、两次差啲中暑。”

郭sir一句话差点想放弃

Rose Ma虽然落力练习但曾经一度想过放弃，就因为被郭sir的一句评语，她说：“有一次集训，自己冇乜亮眼表现，应该系踢友谊赛，郭sir讲咗句‘我见唔到妳喺球队有咩用？唔知可以摆咩位置’，𠮶下听到觉得，你讲到咁不如算喇，唔踢喇，我系忍住咗无喊，𠮶阵个心唔忿气，同埋队友鼓励我，我自己就慢慢心态回复返嚟。”

性感只是工作一部份

Rose Ma当年因为动漫展当showgirls红极一时，她想当模特儿全因为胞姊，胞姊是美女当过模特儿，读书成绩好，Rose Ma就相反，学业成绩一般，不过胞姊就是Rose Ma的榜样，甚至是人生导师，Rose Ma所有问题都会请教胞姊，Rose Ma自言小时候性格内向，但没想到可以当showgirls，她说：“我行街见到啲广告有家姐个样，我就好想好似佢咁，我开始俾啲小目标畀自己，想喺报纸见到自己，之后又想喺杂志见到自己，咁就一步一步咁做啰，showgirls著得性感，我只系觉得工作一部份，可能当时自己身型比较丰满，大家就觉得我性感啫。”

曾被狂迷跟踪
Rose Ma 当动漫展showgirls那几年，令她的名字广为人识，对她来说是甜蜜的回忆，她记得有粉丝知她爱吃榴梿，于是专诚买了一个到会场，“结果我同个粉丝，仲有几个女仔食咗佢，食完都成身味。”
亦试过被粉丝跟踪到回家，入门口那一刻才发现，她说：“用锁匙开门𠮶下，望返转头见到个男人喺到，我行埋去问佢做乜？佢话想攞电话，我话唔得啰，其实当时好惊，我只系扮镇定，其实都系成日挂住玩手机，冇留意其他嘢。”

Rose Ma当年人气急升可以月赚6位数，但她在好景时，决定要转营，她知道当showgirls只可以几年，这个想法亦是她的胞姊启发她，于是她开始当电玩KOL，亦给她行出另一条路。

五年前跌入人生低谷

Rose Ma 入行后可说是顺风顺水，但她表示大约五年前经历自己的人生低潮，她说：“当时发生咗啲唔好嘅事，对于我一个女仔嚟讲系好难挨，我喺度谂自己以前喺咪好错呢？做咗啲乜嘢要咁对我？我系反复咁质疑自己，唔再相信人系其中一样，收埋自己匿埋喺屋企，我唔会见人，成个月唔出街，出街戴口罩，唔搭交通工具，唔好去人多嘅地方，会觉得大家好似睇我唔起，觉得自己好似过街老鼠，我当时好迷茫，觉得自己一文不值，（有冇睇医生？）香港有边个无情绪病？系好压抑嘅，我而家努力，见返多啲人。”

工作态度由被动变积极

而参加拍摄《足球女将》亦令Rose Ma 接触更多人，亦令她改变了工作心态，她说：“以前我系一个好被动嘅人，觉得做好自己就ok啦，冇乜斗心呀，但踢波唔得架，踢波系要争取，令个教练畀机会你，咁我觉得拍完呢个节目，我会令自己工作心态转变，识得去争取一啲机会。”