足球女将｜郭雅琪缺席练波理由牵强惹负评　还击网民：我冇讲错嘢

撰文： 金秀玲
出版：更新：

ViuTV足球真人骚《足球女将》近日热播中，内容讲述制作组招募了24位女艺人、前运动员及现役运动员，训练她们组成一支女子足球队去踢比赛。日前播出的一集中，由于太多人缺席，令主教练郭Sir大发雷霆，当中“港台瑜伽女神”郭雅琪（Niki）出席率奇高，态度令网民非议，而她亦有亲自还击负评。

郭雅琪当初在港台节目示范瑜伽动作，因身材骄人引起关注。（港台节目截图）
郭雅琪经常在社交平台派福利。（IG@niki_yaqi）

第三集讲到训练已进行了两星期，24人中只得7位女生出席了全数训练，分别是钟慧桦（Ice）、吴慧琪（Kiki）、苏皓儿（Chloe）、梁庭欣（庭欣）、郭思、米姬（Maggie）及吴少娟（Shiho），当中亦有人出席率非常低，如Niki便是被郭Sir点名的一位。

郭雅琪被指是24位女学员中，出席率奇低的一位，早上的训练全数缺席。（IG@niki_yaqi）

训练第13天，原本讲好24位女生早上7点正就要到达球场，然而7点03分仍然得12人，仅仅够一半，当中有2人又需要在8点30分离开去返工，人数太少根本无法进行“六打六”训练，郭Sir对此感到气愤，他发火说：“唔踢早讲吖，揾第二个！”、“一朝早焫㷫我！”又指若这是自己执教的球队，球员放飞机是需要罚钱扣人工的，他表示：“佢哋拣咗去参加呢个节目，踢得呢场波，佢哋要预咗系咁辛苦”。而助教Daniel亦严肃训示：“始终我哋本身系24个球员，冇可能今日嚟到得13个，然后9点嘅时候得返11个，呢样嘢绝对唔可以接受。”

训练第13天，原本讲好24位女生早上7点正就要到达球场，然而7点03分仍然得12人，当中有两人要早走去返工。（ViuTV）
郭Sir对此感到气愤，他发火说：“唔踢早讲吖，揾第二个！”、“一朝早焫㷫我！”（ViuTV）

节目组向缺席球员了解原因，Niki解释：“因为我个闹钟俾人禁熄咗，我听唔到闹钟响，我校咗四个闹钟啊大佬，全部帮我熄咗。”似是毫无悔意，其实郭Sir一直以来对Niki都算十分谅解，他对镜头表示：“之前𠮶日佢应承咗我会出席今朝嘅训练，佢之前同我讲自己有啲情绪问题，夜晚瞓唔到觉，朝头早好难起到身，如果你问我点样鼓励佢，我又唔想用鼓励，因为你嚟出席训练系最基本嘅，我会慢慢问一问佢嘅瞓觉情况先，但次次咁样嘅话，呢个球队系有Foul人呢个环节，你要冒呢个风险啰，如果你唔嚟嘅话。”他又透过电话向Niki说：“唔可以长期落嚟你都有特权，成队波系公平，希望听到一个合理嘅解释。”

Niki解释：“因为我个闹钟俾人禁熄咗，我听唔到闹钟响，我校咗四个闹钟啊大佬，全部帮我熄咗。”似是毫无悔意。（ViuTV）
郭Sir谅解Niki有情绪问题常常失眠，但认为总不能常常让她有特权，要对其他人公平，提醒她球队有淘汰制度。（ViuTV）

网民留言：“Gen Z整顿球坛”、“Niki真系极品”、“起唔到身够胆讲出嚟𠮶吓痴线”、“千错万错都系人哋错”、“Niki foul X咗佢算啦，晒咗个位做乜啫”、更指她是这队波之中的“反派”，节目好睇过《全民造星》。而之后其中一个环节，郭Sir除了赞赏一班出席率100%的女学员外，亦点名要Niki跟大家讲几句，Niki说：“好sorry可能我朝头早都冇嚟到，净系嚟过一次，因为私人原因，可能分组同我一组，可能我有好多嘢都会唔明，呢个我承认，因为错就要认打就要企定啦，我明嘅呢样嘢，所以跟住落嚟呢段时间我都会出席嘅，我知我自己有问题。”她之后亦再跟制作组表示：“虽然我有啲时候好似表现得好Hea，但系教练都会更加take care我，会监督我，我都唔好意思浪费咗佢哋一番心意。”

之后的理论课，郭Sir点名要经常缺席的Niki跟大家讲几句。（ViuTV）
Niki指因为“私人原因”常常缺席，承诺自己之后会勤力训练。（ViuTV）
网民对于她说四个闹钟都被揿熄了所以唔知醒，感到难以接受。（连登讨论区）
网民称Niki为“极品”。（连登讨论区）

不过网民就继续闹她，表示：“𠮶浸MK味真心gao唔掂”、“冇心踢就𨅬啦”、“4个闹钟嘅错”、“Niki 真系垃圾MK妹嚟，X佢老X 明知拍节目都咁XX，睇佢IG都系臭X嚟㗎啦”而Niki就疑似有mon post，她在社交平台发文为自己申冤，表示：“认真讲句真话就MK 咁我要讲咩 有边个工作唔系为钱 大佬我7:00最早教班 喺幕后喊因为情绪问题 戒紧药 要讲出来咩？我就无讲错嘢嘅 ”

网民认为她缺席所有早班训练，“冇心踢就𨅬”。（连登讨论区）
有网民认为Niki十分MK，当著镜头态度都不好。（连登讨论区）
郭雅琪在IG回应网民的“MK”指控。（IG@niki_yaqi）
不过从郭雅琪IG的照片所见，她跟其他女学员相处得几开心。（IG@niki_yaqi）