TVB传削OT钱加薪变减薪 朱敏瀚不相信影响士气 16字终极回应

朱敏瀚（朱仔）今日（14/2）现身尖沙咀出席无线热播剧集《痞子无间道》宣传造势活动。提到他在剧中有不少场口大骚肌肉，场面相当吸睛，引起网上热议。朱仔接受《香港01》访问时表示：“其实呢几年我拍嘅剧集，基本上套套都要除衫，咁都叫做有啲动力，令我一路keep住咁做运动，基本上我一有时间就会去操。（玩健身玩咗几耐？）其实正正式式开始玩健身，应该就系拍《机场特警》𠮶阵时，我谂都有5年咁上下。其实要经营一个Fit嘅身形，最难就系要戒口。但当我知道唔使除衫出镜嘅时候，我就会照样去食，就唔会话点样去戒口。”

对于近日有传TVB员工加薪后反被削减加班费，加人工竟变相减薪。朱仔表示：“我冇听过呢个消息，就算系都应该唔关我哋演员事，因为我哋演员系集数计。（担唔担心削加班费影响士气？）我谂成个大环境都不断咁变化，会多咗唔同嘅途径睇唔同嘅娱乐节目，引致到电视唔系呢一代最主要嘅娱乐，只要一日仲有人睇电视，我哋做电视嘅一定要尽量做好佢。我谂呢个工业唔系好容易去赚大钱，相信大家入得嚟都系为咗真系嚟拍嘢，咁所以士气做得呢行嘅人，个心都系好坚定。”