老公奇招氹掂邓小巧：“佢系老粗底！”
撰文： 钟冠全
出版：更新：
邓小巧前日出席AIA宣传活动分享用艺术滋养心灵，还同Fans齐齐Art Jam，大会为答谢邓小巧送出ColdPlay门票，令现场Fans羡慕不已。小巧亦都好识做，还拿出自家制“艺术品”予乐迷抽奖：“𠲖家屋企‘杯满为患’嘅状态，因为我唔舍得掉野，但自己未‘财富自由’到有间房摆啲手工艺品，好多初期嘅作品越摆越多，所以有时会送比Fans。老公就未必会同我一齐做呢啲手工艺品，佢最大功能就系有时打烂只杯、洗烂啲碗，咁旧嘅唔去新嘅唔嚟，咁就有空间喇！”
活动举行期间正席元宵及情人节前夕，不过小巧就表明唔庆祝：“我怕热闹啊，最多都系屋企啰，我好‘宅’㗎！（佢会比惊喜你？）你睇佢似唔似会？佢系老粗底子！老公冒着大雨帮我去寄速递，咁都好Sweet嘅，好过送花啦！”