【幕后玩家】顾成双结局悲惨　黄翠如有领悟：歪理喺现实变咗真理

话题剧《幕后玩家》今晚大结局，难得观众咁钟意当然要庆祝下，一众演员萧正楠、黄翠如、龚嘉欣、刘佩玥、阿雪、陆永等就约埋一齐一边吃火锅一边睇结局。本来开开心心，但翠如BB突然谂起一位认识的小朋友最近去世了即眼湿湿，另外讲到李润庭出轨离婚收场时表示十分难过。而盛传就快约满的黄宗泽则无出现。

对于剧中顾成双没有好收场，黄翠如称有点领悟：“佢所追求嘅嘢都冇咗！里面有好多歪理，唔知点解喺现实社会变咗真理，而里面讲咗样嘢系选择。”问她有否引伸至自己生活，她就叹了口气说：“最近我喺内地做嘢，身边有个我好锡嘅人，佢离开咗。咁last momment系......都系唔好讲咁多，我喊呀唔得唔得喇！”翠如边耍手叫停兼眼湿湿，再追问她那人是谁，她定了定神后答：“一个好锡嘅小朋友，我哋系朋友。本来我可以选择返嚟香港，但last momment我嚟唔到，我就觉得好遗憾！”讲讲下又想喊，于是转话题提到她认识了十几年的李润庭事件，翠如BB就话：“我识得佢两公婆，我觉得好伤心！我谂只有当事人至可以处理番，呢个时候作为朋友唔想讲咁多嘢！”她说一向以来都有同李润庭联络，不过现阶段不会打扰他。问她怕唔怕萧正楠偷食，她就好安心：“佢系一个好乖嘅人嚟！（你觉得佢唔会呃你？）呢个momment系啰！”她又说这行很多人注视，一言一行都要小心。

另外孙慧雪最近被传大肚，今天身型看来也有点圆润，萧正楠、黄翠如都不断恭喜她，但她否认有咗，还笑自己当日拣错衫令人误会：“男友同我屋企人都好担心会唔会以后冇私隐，佢唔系圈内人更加担心！”阿雪重申当日只是去做婚前检查，而检查报告指两人身体状况良好，她说：“不过我哋好顺其自然，佢成日都叫我做咗自己啲嘢先啦！”阿雪今个月23日便出嫁，她说最快都下年至生咁话，咁到时再恭喜佢啦!