森美忆首做港姐司仪跟曾志伟偷师：原本以为窒下佳丽就完成工作

森美近日伙拍MIRROR、ERROR成员拍广告，大赞氛围开心，更笑言自己对ERROR不陌生：“我以前都做过对搞笑组合叫森美移动，成日都同佢哋讲我系前辈！”问到会否想参与其中再组男团，森美说：“如果可以都好！自从《江南Style》之后都冇大叔舞，如果有机会我都可以跳下大叔舞、唱下大叔歌。”

提起曾志伟近日回巢无线电视（TVB）担任副总经理一职，森美回忆起第一次做《香港小姐》竞选司仪就是跟曾志伟拍档，又表示从他身上学到很多：“佢系司仪但唔单止做司仪嘅工作，佢喺幕后设计好晒问每一个佳丽嘅问题应该点问，除咗每一条问题到底有冇趣，佢仲帮个佳丽谂埋点答，兼谂埋点样帮佳丽兜（圆场）。”此举令森美感悟甚深：“我哋好多时做司仪都以为窒下个佳丽就完成工作，但一条好简单嘅问题佢都花好多心思、做好多功课，呢啲细心系喺佢身上学到。”所谓见微知著，森美表示：“同佢工作过嘅朋友都知佢好照顾身边嘅人，无论系台前幕后，从最高层去到扫地阿姐佢都会照顾到。”问到不时主持综艺的森美有否受影响，他说：“每一个高层都有自己嘅方向；我唔太担心，冇乜所谓啦，有工作咪尽力做。”