曾志伟重返TVB请亲信回巢　“奖老”钱嘉乐认获邀：我哋随传随到

由英皇电影投资3.5亿的港产片《金手指》周六（20日）举行发布会，在庞大资金下邀得金像级黄金阵容，庄文强执导、梁朝伟、刘德华在《无间道》后时隔19年再度合作，钱嘉乐透露是次除了饰演穿插在梁朝伟及刘德华之间的一个沙展，更兼任动作指导：“好开心全部都系香港人多，香港演员、香港Crew、香港实景，太耐冇喺香港开一个咁多人参与嘅电影。近日开返工感觉返晒嚟，拍摄气氛好开心。”
摄影：陈顺祯、叶志明

谈起曾志伟近日受无线（TVB）所邀回巢，担任副总经理（综艺、音乐制作及节目），助TVB进行大改革，有传与他份属好友的郑伊健、林晓峰、谢天华等“志伟党员”将被邀请回巢搞搞新意思，钱嘉乐表示暂时未收到实际提案：“都有初步倾过下，但未系好实质，等佢谂谂先，虽然私下见过但冇乜倾公事，都知佢忙，副总经理㖞，等佢策划多啲先，我哋随传随到，合作咗咁多年。（想返去拍《奖门人？》）等佢安排，始终电影系我工作最耐嘅范畴，所以近年都集中电影工作。”

钱嘉乐又透露不止受曾志伟所邀，连之前合作多年的无线监制亦表示需要他：“都开心嘅，喺TVB都得到好多，入屋、认识太太（汤盈盈），都有情意结。（回巢要收返贵啲？）点会啊，副总经理识做㗎啦！”