肥姐沈殿霞逝世13年　郑欣宜向妈妈喊话：你教我的我都记得

2008年2月19日，肥姐沈殿霞因病离世，自此郑欣宜独自在港生活，喺娱乐圈努力奋斗发展，佢亦无辜负妈妈期望，2006年凭一曲《女神》横扫四台冠军，并首夺叱咤乐坛我最喜爱女歌手奖。喺肥姐逝世13周年呢日，欣宜贴出当年大学毕业照话：“你教我的我都记得。请放心。”

欣宜上载当年大学毕业照，忆述当年往事：“13年前我许下了一个承诺：‘我会争气，我会乖，我会努力做一个有用嘅人。’”佢话以前自己以小聪明读书，成绩愈见低落。肥姐到佢Grade 11 时暂停所有工作返加拿大陪佢：“记得佢见到我啲分数时，佢冇打个、佢冇闹我。我见到嘅反而系佢对自己嘅失望。好似喺到怪责自己点解唔攞多啲时间出嚟去鞭策自己个女读书读好啲。佢只系细细声同我讲咗一句“你要靠呢啲分数考大学㗎⋯”当时见到佢咁失望，我真系宁愿佢闹我、打我。”

回想当日妈妈教诲，欣宜话：“我冇特别争气，我冇特别乖⋯仲好似越来越唔听话⋯我亦唔觉得我做到一个有用嘅人⋯但我一定有努力。i’m trying.. i’m on my way there...你教我的我都记得。请放心。”