麦秋成爆跟汤怡婚事获前女友祝福　蔡思贝反问︰做咩收得咁埋！

麦秋成周四（18日）出席电影《狂舞派3》首映礼，他负责设计电影中所有舞蹈场面，他直言自己也未有看过制成品，今次的制作过程也令他感到紧张︰“因为第一套《狂舞派》咁成功，咁《狂舞派3》好多人都好多嘅期待，咁究竟啲跳舞会唔会唔同啊，内容系点呢？而家好期待啲观众嘅反应。”

麦秋成和汤怡（Kathy）早前突然宣布婚讯兼荣升父母，令不少网民感到完全“估唔到”，被问到麦秋成是否故意收埋，他直说︰“其实我哋唔系刻意收埋，我哋都有出去食饭，喺啲大街小巷食都有，但系我哋又冇刻意同传媒朋友讲，或者同啲朋友讲，都系我哋自己好静静地生活，我不嬲都唔系将啲恋情去公开嘅。（朋友都唔知？）朋友知，所以我哋冇刻意去避忌，只不过大家唔知道咁解。”他透露会在今个月26日办简单的签纸结婚仪式，他直言都办得如火如荼，幸好他的弟弟是Wedding Planner，可以帮手教他怎样做。

被问到麦秋成和Kathy是计划好结婚，还是有BB于是决定结婚，他甜蜜的说︰“其实结婚就迟定早㗎啫，都一定结㗎喇！因为我哋都认定咗对方，我谂呢个天意安排底下，都唔需要计前后喇，咁横掂都系一齐㗎喇，咁一次过啦，几好啊我觉得，呢个系一个Gift嚟。”麦秋成透露现在对Kathy呵护备至，他笑言︰“行出行入都照顾佢啦，太后咁样啦！”现时Kathy怀孕4个月，麦秋成还自爆Kathy特地买了一本书给他看，预备做一个爸爸。他又直认前度蔡思贝也有恭喜他们︰“好好，佢打电话嚟（话）‘做咩收得咁埋嘅！’非常之开心嘅一件事。”

点击下图汤怡与麦秋成的靓相︰