狂舞派3｜余香凝大肚出席首映 早前激罕晒老公正面︰实在太靓仔
撰文： 李婉文
出版：更新：
余香凝（Jennifer）周四（18日）出席电影《狂舞派3》首映礼，怀有身孕的Jennifer穿着松身裙和波鞋，看上去依然手幼脚幼。第一年派利市，她坦言有种终于变大人的感觉。她没有透露确实怀孕几多个月，但就笑指：“而家其实（BB）都大㗎啦，大到我出街有人让座啰最近，第一次感受到原来俾人让座原来系好有爱㗎！我喺餐厅等紧位嘅时候，有人坐咗喺度，然后佢叫我唔好排队，佢话‘你坐啊，你有BB啊’，觉得好有爱啊。”
Jennifer表示由一开始陀BB都好舒服，没有任何不适，她说：“舒服到有时我都唔记得咗自己有BB，我同啲朋友去行山啊，去行街嘅时候，我行得快过佢哋。就令到我身边所有人都系好紧张，话‘你小心啊，睇住啊’。”
Jennifer的丈夫陆政渡（Tim）一向非常低调，即使在结婚当日，余香凝在IG分享成为人妻的相片时亦只得自己一个，丈夫连影都不见，连12月宣布做父母的相片中，丈夫亦只见得侧面，直到早前Jennifer罕有公开老公的神秘面纱，被问为什么会突然想公开他的外表，Jennifer笑言︰“因为啲好嘢都要同大家分享吓嘅，唔可以自己睇嘅，咁我觉得我老公实在太靓仔啦，畀大家睇吓啦，哈哈。（之前好低调？）系啊，之前有私心啰，咁而家觉得佢都系BB嘅爸爸，都要同人Share，我都要学识同人分享嘅！”，言谈间都要赞老公靓仔，果然甜到漏！
点击下图睇睇Jennifer和老公的靓相：
+43