花姐黄慧君狠批姜涛难出Pool：冇爱情滋润就会一直咁蠢
回顾过去的2020年鼠年，《全民造星3》掀起全城热话、男团MIRROR横扫《叱咤乐坛流行榜颁奖典礼》五大奖项，幕后功臣必定是现年49岁的花姐黄慧君。花姐接受电台访问时，忆述由无线（TVB）音乐组PA（助理编导）变身成ViuTV“霸气花姐”监制的过程。她更透露2018年最初因“恶毒”制作第一辑《造星》：“最初构思好恶毒，只有我知，系想揭露参赛者嘅天真或评判点唔公平，最后反而被参赛者嘅热诚感动。”
对于在《叱咤乐坛流行榜颁奖典礼》大丰收，身兼MIRROR经理人的花姐是始料不及：“最初只预计过有生力军奖同《Ignited》拎十大，之后仲去咗后台外面倾工作。到MIRROR拎组合铜奖，我系错过咗整个过程，再宣布姜涛拎我最喜爱男歌手，我系尖叫：‘乜话？What？！’𠮶刻我只系担心姜涛再被攻击。”
另外，Anson Kong失落生力军奖被指“黑面”，花姐亦为AK解释：“呢个奖对AK太重要，我签AK时，佢讲过毕生愿望系喺叱咤台拎新人奖，三甲唔重要，我亦承诺会尽力帮佢。𠮶刻佢唔系黑面，佢真系好唔开心，佢就系直接唔会假嘅人。第二日，AK传短讯畀我Say Sorry，话自己唔应该咁影响到大家，佢话当时控制唔到反应，但我好了解AK呢个人，我欣赏佢签佢，就是佢够真实。”
MIRROR三年来先后有六子被安排单飞，花姐透露MIRROR并非每个组员都适合做独立歌手：“Stanley同Lokman签约时，我已经话畀佢哋听系演戏为主，有啲人适合做综艺、有啲适合唱歌，并唔系个个想唱歌出Solo，好似Stanley，你叫佢出Solo佢都未必想。”
至于十二人当中，花姐被指偏心姜涛及Ian，她坦言：“最初以为自己唔会偏心，但譬如姜涛特别多Job，就会接触多啲。Anson Lo其实比赛前已经识，系我叫佢入行。另外，我好欣赏Ian嘅才华，亦好钟意AK嘅性格，当然会有少少偏心，但只代表我同佢哋嘅相熟程度。”
花姐坦言至今也是边学边做经理人，对于爱将之一的Ian早前爆出与大台港姐陈晓华（Hera）与混血模特儿卢慧敏（Amy）的三角绯闻，花姐说：“成件事系误会，系Ian卖车畀Hera，佢哋私下认识，架车未转晒名就畀对方用住先。后来同Amy就系真，佢哋拍剧相识，Ian一早话咗畀我听。MIRROR签约冇禁止拍拖，但一定要畀我哋知。Ian都单身咁多年又廿八岁，拍拖都好正常，我都戥佢开心。最初叫佢哋低调，只系唔希望呢段感情承受压力。”
至于万人迷姜涛，花姐竟狠批他难以找到另一半：“姜涛真系冇办法！我都唔想佢系单身，因为一个人冇爱情滋润，就会一直咁蠢。但一来佢工作太忙，二来系佢嘅性格，你同佢倾过偈就会了解到佢冇话题，咁边有女仔对佢有兴趣？其实我都希望佢有拖拍，咁唱情歌先会有感情，但佢都努力学习改善紧，冇得勉强。”
点撃睇万人迷姜涛及Ian照片：