大叔的爱︱吕爵安经验浅认紧张　卢瀚霆拍嘴戏前有准备：食薄荷糖

改编日剧《大叔的爱》（おっさんずラブ）的香港史上首套同名BL连续剧，今天（8/2）下午于ViuTV九龙湾总台举行记者会，包括三位男主角：MIRROR成员吕爵安（Edan）和卢瀚霆（Anson Lo），以及黄德斌，连同其他演员一同亮相。谈到今次参演BL剧，Edan与Anson Lo直言因为入行年资短，演出经验尚浅，所以开镜前各自面对不同压力，至于粉丝最关心的接吻镜头，Edan承认没有任何准备：“我知自己本身个口冇味呀嘛！”Anson Lo则说基于故事设定，他需要强吻Edan，结果造成损伤：“搞到我个上唇肿咗！”
撰文：游大东

港版《大叔的爱》吕爵安卢瀚霆外阵容落实　黄德斌与旧拍档演夫妻

大叔的爱︱简慕华加国返港拍剧　与黄德斌三演夫妻：所有嘢好吸引

Edan透露，港版《大叔的爱》早于去年年中已决定开拍，“𠮶阵时收到通知，知道可以做呢套剧嘅主角㖞，梗系好开心好兴奋啦，冇谂咁多，即刻答应，仲走去睇番日本版，因为我本身冇睇开呢类型嘅剧集。”随着开镜日期逼近，Edan的兴奋心情渐渐消失，愈来愈变得紧张，“当然系紧张自己嘅表现啦，即系自己啲戏（演技），始终我哋真系好新，（演出）唔系好成熟，而日本原版又咁好睇，田中圭仲要拎埋视帝，成套剧口碑好好，我知道一定有比较，压力其实系嚟自呢度。”

反而万众期待的男男接吻戏，Edan笑言并不困难，“因为我同Anson Lo真系好Friend，平时都同佢玩得好放，当然唔系玩到话会锡，但好在系同一位咁熟嘅朋友去演，成件事就一啲都唔觉得尴尬。”轻松到一个程度，当Edan知道很快就要拍那场咀嘴戏时，竟然完全没有刷牙或漱口：“我知道自己本身个口冇味呀嘛！”而Anson Lo则指，清楚知道自己的口腔没有异味，惟基于人与人之间的尊重，拍摄前先吃一些薄荷糖打底。如此说来，岂不是说Edan不尊重自己？Anson Lo笑谓：“佢不嬲都唔尊重我，我惯㗎喇！”

日本原装版有7集，而港版则延长至15集，是否意味吻戏也会加码？Edan指看过剧本，编剧没有刻意“加料”，亦不知道监制和导演的意向，“如果系有需要嘅话，我哋唔介意，但我哋又会谂，如果锡得太多，咁就唔矜贵，𠮶一幕出现嘅时候就唔够Surprise喇！”现时《大叔的爱》只拍了大约三分之一，吻戏只拍了一场（在中环海滨天星码头附近取景），但迁就镜头之故，同一幕前后共拍了大约20次，Anson Lo认为自己已经相当叻仔，冲破两大关口！“一来要冲破（Edan口腔）𠮶种味道啦，同埋冲破𠮶种撞击感觉，因为佢棚牙比较外露，咁啱𠮶场，阿牧系要好强悍咁锡落去，每次我个上唇都会撞落佢个嘴度，然后肿咗，嚟紧要拍的两三个场口，又系我主动锡佢，我惊会再肿多次。”

点击下列图辑，欣赏更多Edan与Anson Lo的记者会合照：