无线翻拍《十月初五的月光》被闹炒冷饭　薛家燕：唔好谂到咁负面

无线音乐节目《流行经典50年》周四（4日）录制新春特辑，薛家燕以一袭红色礼裙登场，很是喜庆，谈起农历新年的计划，家燕姐表示儿女们都安排好在家做盘菜，很是有口福！谈起由张智霖、佘诗曼主演的经典作《十月初五的月光》即将翻拍，家燕姐透露剧组原本是邀请她再演QE：“本身呢个月预咗期演出，但因为拍《天天开运王》，撞晒期就推咗，冇办法参与都可惜。”至于由米雪接棒演QE，家燕姐亦十分放心：“大家都知佢嘅演绎系非常好，好开心重拍呢部咁经典嘅剧集！”

谈起由胡鸿钧及何依婷饰演新版初哥哥及祝君好，家燕姐表示对他们有信心：“OK嘅，虽然演艺方面比较新，但都好有天份，亦好勤力，公司畀机会佢哋都会珍惜。”翻拍消息传出后，网民纷纷闹爆炒冷饭兼无创意，更直指破坏经典，家燕姐则回应道：“又唔好谂到咁负面，每个组合同制作都唔同，向好𠮶方面睇的话，观众都希望睇好嘅剧集；当然旧嘅制作好经典，原来已经20年前，想揾返Chilam（张智霖）、阿佘（佘诗曼）同我合作重拍，都未必安排到，新一代有新一代演绎，都系好事嚟！”

点击图辑睇20年后新旧角色对比，重点是金胜!

同场加映：20岁谭旻萱凭Edan吕爵安MV爆红　港版朴敏英纯靠靓样劲吸过万粉丝