溏心风暴之家好月圆｜夏雨重看剧集充满回忆劲感叹︰琴姐行埋𠻹喇
ViuTV新节目《是滴是友》于周三（3日）进行探班活动，当日录影的嘉宾有夏雨和儿子黄奕晨（Dixon），他们父子会上节目边“摸住酒杯底”边谈心。讲到近来无线重播2008的剧集《溏心风暴之家好月圆》，夏雨接受《香港01》访问时表示间中都会收看，他直认重看剧集也充满回忆，他说︰“先后都拍咗三辑，而家播第二辑都十几年㗎啦，𠮶啲人变化都好大，有啲又唔做喇，琴姐又行埋𠻹喇，谂返起好多拍摄𠮶时𠮶啲趣事，同埋当年播映里面，所得到嘅收获啊，都有谂返起。”
夏雨讲到当年拍第一辑《溏心风暴》时，大家也想不到会有这样好的成绩，开第二辑时大家都觉得压力会更大，他说︰“第一部初时譬如杨怡（杨茜尧）、法拉都好新嘅，第二部已经成咗巨星啦，所以啲编剧都好头痛，啲戏份又要点样分配啊，但系呢个都系喺我咁多年里面都系一个好深刻嘅一套戏。（位位都要有一定戏份？）系啊系啊！”
点击下图观看《溏心风暴之家好月圆》十大金句：
夏雨曾在TVB工作一段长时间，但儿子就在ViuTV工作，他觉得Dixon的路还是交给他自己决定较好，“你话Viu好啊、TVB好啊、或者系电影好？其实冇㗎，成条路系你自己行㗎，我其实帮到嘅好少。”Dixon也认同爸爸︰“因为其实讲咁多个‘星二代’，大家都希望可以行到自己嘅一条路出嚟啦，唔希望俾人哋见到自己嗲哋、或者妈咪嘅影子喺度，咁我第一步就已经选择咗唔想跟𠮶条路去行嘅话，咁我就要自己要承担返𠮶个压力同埋责任，做唔做得成功系睇我自己，咁我成功咗咪同佢讲‘老窦，我搞掂啦’，咁唔得就‘老窦，我今个月唔够钱使啊，借啲嚟用吓先’。”
继跟谭凯伦（Helen）传绯闻后，Dixon的新绯闻女友是ViuTV新一代女神王颂茵（Kathy），他否认有关报道，又指不时跟这两个女生外出时被人影到，他笑言︰“考虑吓绝交㗎喇我谂要！因为你哋啊！（系好Friend？）系，我哋3个好Friend嘅因为，琴日我哋先至喺Helen屋企同Kathy庆祝生日。”被问到有没有发展的可能，Dixon犹豫了一会，一旁的夏雨说︰“将来嘅事边个知啊！（做新抱啱唔啱你心水？）啱唔啱心水唔系啱我心水㖞，系佢心水㖞，我啱心水佢唔啱都冇用㗎。”
同场加映，Helen和Kathy的靓相︰
同场加映︰溏心风暴之家好月圆︱盘点剧中冷笑话 李司棋跳住舞拆Gag劲过瘾