Edan开估《E先生》MV感情线︰冇谂过大家咁快估到Locker同我条线

ViuTV节目《胶战》在开拍第二季前，制作组特别拍摄《胶战新春SP》让粉丝过过瘾。人气急升的MIRROR成员吕爵安（Edan）接受《香港01》记者访问时直言拍《胶战》拍得好开心，“而家改咗做希望一个星期一个钟，可以连贯啲畀大家睇到多啲。”他估计6、7月才会拍第二季，到出街都要年尾。活动进行时，不停听到其他主持叫Edan做“ViuTV一哥”，他笑言：“系啰，而家大家成日喺度‘煲’我啦，成日喺度讲笑咁，当然唔系一哥啦，小薯！”

Edan的第一首Solo作品《E先生连环不幸事件》和歌曲MV得到不少好评，他指自己当初也没有期望要得到什么成绩，今次大家的喜爱或者给他的意见，也令他感到开心和有得着，“但系都会有压力嘅，如果万一迟啲唱得唔好，咁就好大件事啦㖞！所以都会继续努力去进步。”Edan第一首Solo歌第一份词就已经有黄伟文（Wyman）加持，他表示：“搭到呢条线真系全靠我嘅监制Edward。”初步构思歌曲时，Edan也没有想过要找谁填词，是Edward提议找Wyman，他当然说好，“点知又得㖞！所以真系‘咁啱得咁桥’，亦都好多谢Wyman写咗呢份词俾我。”

Edan讲到歌词是Wyman为他度身订造的，虽然歌中的爱情故事不是真实发生在他身上，“但系有啲我性格嘅特质，例如佢话黑仔啊、‘崩坏的命盘’，或者我有同佢讲有时我有少少自卑，觉得自己唔够好，咁佢就写咗‘样样亦太一般’、‘无一栏可自满’呢啲词，我唱嘅时候都觉得好中。”MV中有一般Edan Solo弹钢琴部分，非常有型，有网民想起周杰伦的《不能说的秘密》，Edan自爆：“其实我自己做嘅时候都有少少系有参考，我想做𠮶类型嘅，我𠮶时做歌嘅Reference好多时都系周杰伦、周兴哲，所以而家做到𠮶种效果都好满意，因为当初都好惊𠮶段琴Solo会唔会好突兀，一首歌突然间加段咁嘅琴Break，会唔会好奇怪呢？当初都好担心。”幸好有团队的帮忙，令到Solo可完美融入在歌中。

点撃图辑逐格睇《E先生连环不幸事件》MV：

对于MV中一段天台戏，不少网民也读唇猜测他们的对白，和整个故事的感情线，Edan笑说：“其实大家都估得七七八八㗎喇，个三角恋关系就系大家所想咁，我冇谂过大家咁快估到Locker同我𠮶条线嘅。（Locker暗恋你？）系嘅，本身Setting系咁嘅。”另外，Mandy（谭旻萱）因为MV而被观众认识，更被封为“港版朴敏英”，仙气十足。Edan在MV中是暗恋Mandy的，现实又喜不喜欢她这类女孩子呢？Edan笑说：“Mandy咁靓，梗系钟意啦！系咪？但系⋯⋯钟唔钟意啊？好尴尬𠻹点讲呢，Mandy咁靓，钟意嘅，但系暂时都唔谂拍拖住㗎啦，同埋佢好高，同我一样高，我就唔系唔钟意⋯⋯点答啊，佢有另一半嘅！我就专心工作啦。（钟意细粒啲嘅女仔？）又唔一定嘅，但系暂时都专心工作先啦，近排全部啲（工作）伴侣都系男仔嚟呢排，女生就暂时都唔会谂住嘅都系。”Edan讲起女生就好尴尬，难道是“怕丑仔”一名？

点击图辑睇Mandy靓相＋了解她多一点！