郑中基个唱终极加场多谢朱咪咪　叫粉丝尽量扑飞：唔试一定“矛”

郑中基（Ronald）早前宣布农历新年于红馆开两场个场，因门票火速售罄，大会宣布加开一场，不少网民都话：“终于有得睇暴龙哥唱歌啦！”并到处扑飞，希望可以听返郑中基多首经典歌，回味一下。

之但系3场又好似唔太够，就喺呢个时候，郑中基就在facebook自拍片段宣布加开大年初三（1月30日）终极尾场，合共4场，实在可喜可贺！能够顺利加到场，郑中基竟然多谢朱咪咪㖞！“因为咪咪姐系下一个档期嘅歌手，佢就肯畀多一日时间我哋，咁就要好多谢咪咪姐！”更讲到而家搞掂晒，好在有咪咪姐：“否则都不知点算好。”咪咪姐咁好人，各位暴龙哥fans一齐多谢佢送份厚礼畀大家！【“龙”过鸡年 － 郑中基曾想亚博开个唱︰观众嫌远，都系红馆啦！】Ronald仲讲到知道有好多歌迷对他开演唱会表示支持，他感到相当开心，但同时都为有些朋友未能买到飞，还去他的facebook留言投诉，Ronald表示有睇留言，觉得唔好意思，皆因都唔到佢控制，“我有睇呀！睇到我心都噏，原本演唱会飞卖得好，应该好开心，但见到歌迷买不到飞，又戥他们惨，所以我一直有同主办单位商讨有关加场问题，亦有想过加开下午场。”如今成功争取加开年初三尾场，Ronald都话唔可以再加，叫各位Fans记得7号落力扑飞，仲回应认为自己买唔到飞的Fans留言：“唔试一定矛（无）！”都真系唔话得！