陀枪师姐2021｜林颖彤捉色魔被搣屁股　真身上阵：想效果逼真啲

《陀枪师姐》堪称TVB经典剧集之一，《陀枪师姐2021》上星期开播后，话题性十足，其中一幕更系由林颖彤（Bella ）引起。剧中被分派到“悬案小组”嘅佢，由于放蛇捉色魔关系，需以cropped tee、热裤上阵，露腰又露腿，果然成功引到色魔出动，为怕观众睇得唔清楚，导演仲特地加咗个搣屁股镜头。

林颖彤接受《香港01》访问时表示搣pet镜头播出后，身边唔少朋友、甚至家姐都有向佢求证，到底个pet系未属于佢。“真系我嚟架，为咗拍摄机位所以retake咗几次，有少少尴尬但都ok，因为想出嚟效果逼真啲，拍wide-shot时我都有叫对方用力搣，自己都嗌得大声啲。见到好多网民都有讨论自己都开心嘅。”问到Bella之后喺剧中会否有更大胆嘅剧情，她笑言要将放蛇职位就返俾宣萱，而自己则会有少许感情戏发展。

点击下图睇放蛇过程