白彪自爆年轻脾气差　掟烂花盆泄愤险与太太离婚：纸都差不多签埋

白彪近年凭《爱·回家之开心速递》成功入屋，早前更在无线《万千星辉颁奖典礼》上凭在《香港爱情故事》中演活粗汉爸爸夺男配角奖，成为他入行52年来第一个奖座。日前他担任车淑梅主持的港台节目《旧日的足迹》嘉宾分享得奖感受，以及自己铁汉柔情的爱情故事。

现年74岁的白彪虽然在两套剧都演大男人难免令人觉得他不解温柔，但现实中的他却相当重视家庭，现在更儿孙满堂非常幸福。不过，他于1990年为三个仔女的前途毅然放低事业举家移民去加拿大，后来为了继续打拼演艺事业而独自回港，经常都要加拿大、香港两边走压力爆煲，因为小矛盾曾经差点与太太闹离婚：“有时返香港做嘢，老婆喺𠮶边又好辛苦，所以就有啲拗撬，有时讲啲嘢又系口不择言，讲一句‘咁多样嘢你识乜吖！’老婆系会记得一世！𠮶阵时又冇乜拍戏机会好忟憎，返番过去加拿大有次同老婆嗌起交上嚟拎起咗个花盆掟埋墙掟穿咗个窿，积积埋埋老婆话要同我离婚，纸都差不多签埋！”

幸好两夫妻床头打交床尾和，冷静下来就没事：“老婆话‘唉算啦，我哋唔好搞咁多嘢啦！’，个窿三个月都唔理，我第一件事就亲手去补番个窿，再补番埋段情咁啦！我梗系要买返啲香水呀、手袋啦，最紧要用心！老实讲，两公婆点会唔嗌交吖，大家要体谅，各自退一步，最紧要就唔好提‘离婚’呢两个字！”

白彪笑言自己当年于派对对太太一见钟情，至今结婚已经逾40载，就算分隔两地依然甜蜜：“老婆知我而家飞都飞唔到啦，佢好照顾我，仲教我自己喺酒店煲红萝白薯仔洋葱瘦肉汤，佢真系个好老婆，仲赞我啲戏好睇！”

这位初代郭靖笑言自己三年前一度没工作，但自从留须后就迎来好运，接演了《开心速递》做雷公，成功入屋更升呢做最佳男配角，更加可以自由发挥演戏过过戏瘾：“我好享受做雷公，好霸道，一啲都唔似郭靖，对白唔使跟到足，同老拍档‘大龙生’罗乐林好有火花，最难忘一场系‘杨过决战郭靖’，过足戏瘾！”白彪又点名大赞“大小姐”林淑敏和自己于《香港爱情故事》的儿子罗天宇：“大小姐真系一流！佢做戏好流畅，每一个动作表情我都好欣赏；而罗天宇性格戆戆直直又内向，外型都似郭靖，如为郭靖选角，佢嘅演绎方法都近九成似！”

同场加映：瞩目配角｜白彪否认老粗却唔识氹老婆：老夫老妻仲整扎玫瑰花咩！