黄恺怡做米芝莲司仪获激赞 晒Lak Lak声英文：想涉猎更多范畴！
撰文： 陈栢宇
出版：更新：
“东张女神”黄恺怡（Jasmin）最近为饮食界年度盛事“《香港澳门米芝莲指南2021》发布会”担任大会司仪，连续两年肩负重任的她凭住淡定表现、流畅的中英双语转换，获得不少观众、网民赞赏。
黄恺怡接受《香港01》访问时坦言好荣幸可以再次担任大会司仪：“今次系我第二次做米芝莲Event嘅MC，我自己都好钟意食好嘢，所以有机会再参与活动我系好开心。其实今次活动都好新鲜，除咗我负责网上颁奖礼嘅环节，大会都邀请咗宋熙年做Live-streaming嘅环节。虽然今次未有机会可以面对面合作，但我自己都好开心，因为一直都觉得宋熙年系一位好出色嘅主持人，亦都系我嘅榜样，好希望可以好似佢咁，做到一位更出色嘅主持人，同埋涉猎更加多嘅范畴。”
点击下图观看黄恺怡IG靓相：
+14
谈到有否心水餐厅上榜，黄恺怡坦言结果公布之前已经特别睇好其中一间餐厅：“结婚周年纪念仲特别拣咗去𠮶度庆祝，佢今年仲由一星升到上二星，知道咗结果都几戥佢哋高兴。（你本身都系西餐迷？）其实我好多菜式都钟意嘅，但最钟意都系法国菜，好记得细个去法国旅行，已经觉得𠮶度冇嘢唔好食，无论系正餐定甜品都整得好好食，样样都好似艺术品一样，卖相好靓，所以有时都觉得食法国菜似睇表演，永远令你有难忘嘅惊喜。”她又指自己喜欢法国文化，所以大学时有修读过法文课程，到结婚时影Pre-wedding亦专程到巴黎取景。
宋熙年陈智燊夫妻档做KOL赚不停 否认月入60万怕税局揾上门
+21