张致恒借钱唔还　债主IG公开追数：一毫子都冇还过我

张致恒（Steven）自从2019年突然宣布结婚，而对象非公开的女友而是粉丝雯雯，兼夹双喜临门之后一直事非不断，更经常成为媒体和讨论区的话题人物，今日（27/1）Steven又再次成为热话，被债主兼好友冯镓潆（Naomi）在IG点名揭“借钱唔还”，更力数对方罪项。

Naomi今日在限时动态上先表示自己很缺钱，继而呼吁自己的“债仔”还钱，其后更点名张致恒，并写道：“你系唔系谂住唔还钱？你讲过分期还？年半有多，一毫子都无还过我，之后重unfollow我ig”。据知，Steven自从负面新闻缠身之后工作量大减被逼转行赚钱养家，同时又欠下一身街数，除了Naomi之外，还有关智斌、郑希怡以及林盛斌（阿Bob）等债主，涉及6位数字的款项。而近日又有报道指Steven在负债累累的情况下仍然聘用外佣、买新电器、住靓屋却未有还钱，因此激嬲债主Naomi连开几Post公开追债。

睇睇Naomi追债Post以及其它IG靓相：

而新闻报道出街兼被公开追债之后，Steven亦自动“上水”，在IG解释自己的种种“恶行”，表示自己在疫情之下多次被解雇，而且入不敷支：“我喺度要同所有借过钱俾我嘅朋友道歉，一直以来我都还唔到钱俾你地真系对唔住，喺嚟紧嘅日子我一定会尽力去工作还钱俾你地！”另一方面，他又解释“买电器”其实是用积分“换电器”、“工人”其实是两年前已经一直聘用至今，至于住靓屋是因为要养狗：“要照顾一个家庭压力非常之大，我亦都好努力去重新做人，只系希望大家可以俾啲机会我同埋俾啲时间我，我一定唔会再令到大家失望！”

张致恒全文如下：

“早喺一年多前因为自己做错嘅事而令到自己嘅工作完全停顿，喺𠮶阵时完全冇收入，迫于无奈下问咗好多朋友借钱，亦都好感恩有好多朋友出手相助先挨得过一段时间，我亦都试过揾过好多工做过好多唔同嘅行业，因为疫情影响底下被炒过好多次，我有努力工作揾钱希望可以支撑到屋企之余仲可以还到钱俾朋友，但系而家嘅路实在太难行，工作完嘅收入都唔够屋企开支，想净少少钱还俾朋友都唔得，令到有好多朋友都好唔开心，我喺度要同所有借过钱俾我嘅朋友道歉，一直以来我都还唔到钱俾你地真系对唔住，喺嚟紧嘅日子我一定会尽力去工作还钱俾你地！

我想回应一下新闻所讲嘅嘢，工人系两年前已经请嘅，我老婆所讲嘅电器都系用电话储落嚟嘅积分换嘅，两个仔着嘅都唔系名牌，再加上好多佢哋嘅玩具同埋衣服好多都系佢哋阿婆同埋一啲朋友买来送俾佢哋嘅，至于点解唔搬返观塘住，系因为阿爸阿妈𠮶度系屋村，而我哋有三只狗，屋村唔俾养狗，老婆养呢三只狗都已经五年以上，所以如果要搬返去住就唔可以继续养佢哋，所以先揾咗村屋住！

要照顾一个家庭压力非常之大，我亦都好努力去重新做人，只系希望大家可以俾啲机会我同埋俾啲时间我，我一定唔会再令到大家失望！”

同场加映：多图｜陈婉衡行山激动揽“石”：行咗成四个钟终于揾到你