刘佩玥IG写“咁多大话”被指暗讽某艺人 ：冇谂过大家咁关注

刘佩玥（Moon）不时在IG晒靓照发文表心迹，昨晚亦不例外上载托腮甜笑照片，并发文留言：“心存感恩，自强不息，没有埋怨别人的借口，抚心自省，信念坚定，没有走不下去的理由”。直到深夜，阿Moon再次在限时动态发文：“讲咁多大话，仲要不停赞自己，你好唔好意思”，似有暗示。引起网民留关注留言：“讲紧蔡思贝？”

相关阅读：刘佩玥深夜出Post“讲咁多大话，你好唔好意思”　网友疯狂估主角

今日（19/1）阿Moon出席无线剧集《坚尼地爱坚尼地》宣传活动时，就此事接受《香港01》访问说：“其实我只系想藉著平台抒发下情绪，我唔知道几只字会有回响。（工作压力？）其实又唔关工作压力事。（朋友？）其实𠮶个又唔系朋友，系边一个我就唔会讲。亦都唔想将件事发酵，冇谂过大家咁关注。（网民好关注，话你指视后蔡思贝！）唔关事！绝对唔需要去猜系边一个。我觉得讲大话嘅人实在太多，所以做好自己就Ok。”

阿Moon续说：“大家唔使估，再估落去都冇乜意思。其实件事唔系影响到我嘅。（你唔怕对方知你讲紧佢？）我又唔觉得佢知唔知㖞。（唔怕撞口撞面？）有得佢啦！唔想再多讲件事嘅内容。我觉得每个人都有佢嘅优点同缺点，最紧要系重视自己做好自己。（惊唔惊对方背后放箭？）唔惊呀！冇乜箭话中唔中嘅！我一向都系敢言嘅人嚟，喺自己平台抒发感受系冇问题嘅。”

睇埋阿Moon活动同IG靓相：