万千星辉2020｜黎诺懿笑称冇对手攞硬视帝：大家都知我好戏

“疫境厨神”黎诺懿今日（7/1）现身湾仔出席自家品牌新春慈善贺年糕点发布会。诺懿表示：“今年都系秉承传统做咗三款糕点，扣除成本后，将全数拨入受惠机构《九龙乐善堂》嘅膳待饭劳计划度，只要大家买一盒贺年糕点，就可为一户基层家庭提供10餐免费膳食，所以觉得好有意义。”

提到有份竞逐视帝宝座，诺懿笑言：“今年都系我攞，视帝唔系我攞仲有边个呀！但今年我就唔攞住喇，我就想丹爷（刘丹）攞，因为佢喺《爱回家》度做我老豆都做咗咁多年先畀佢先，大家都知我好戏㗎啦，年年都冇乜对手，咁咪下年再攞！（唔怕王浩信听到嬲你？）点会嬲我啫，浩信佢攞过喇，唔好咁贪心，畀吓人攞啦！我成日都讲，一个大家族一齐分享开开心心。其实浩信佢攞唔攞奖，好多人都觉得佢好戏。”