李亚男宣布细女Hayley出世 　王祖蓝：好感恩佢唔似我

撰文： 邝钰莹
出版：更新：
王祖蓝同李亚男三年抱两，他为刚出世的细女取名为王海静，英文名为Hayley。（微博图片）

王祖蓝和李亚男结婚5年，育有2岁女儿Gabrielle，祖蓝在今年父亲节再次宣布有喜，三年抱两果然系实力过人。而今日（17日)，祖蓝在FB发帖，除咗系庆祝Gabrielle２岁生日，亦同时宣布细女出世：“三个女人一个墟 一个男人戆居居”。BB女的英文名字是Hayley Wong，中文名则是王海静。由于两名爱女同在12月出生，祖蓝与李亚男这对24孝父母，早前特意举行迷你庆祝派对，庆祝大女Gabby两岁生日快乐的同时，亦隆重欢迎Hayley这位新成员。

今次真系三个女人一个墟。（微博图片）

问到祖蓝与亚男第一眼见到Hayley是否很感动时，李亚男笑言：“当我哋第一眼见到Hayley时，系觉得好搞笑同神奇，因为佢同家姐一模一样样，见到佢就好似见到啱啱出世嘅家姐咁，实在真系太似样了；唯一有一点唔同，就系Hayley个鼻好似仲大过家姐咁，系一个大鼻妹嚟，哈哈哈！但好感恩佢系一个好漂亮嘅孩子，好多亲友睇咗相后都赞佢好靓女。”祖蓝则补充谓：“好感恩佢唔似我，最紧要系个样唔好似我，似晒妈咪就可以架喇。”

祖蓝年初时已经带埋老婆同囡囡去上海，掘金之余又可以照顾家人。（微博图片）

问到Leanne再生第二胎是否没有第一胎那么紧张时，她则谓：“因为有咗第一次嘅经验，又因为我系开刀，好多嘢都按照住schedule发生，所以今次就真系冇咁紧张同激动，但当然𠮶种开心同奇妙嘅感觉依然系非笔墨所能形容。”