林盛斌分享“长银包旺财运法”　自觉年收入逐年增高：信不信由你

林盛斌（Bob）昨天在社交网站贴出一张长型银包相，向网友分享一个能够改善财运的方法，更列出8个步骤：

1. 请你马上换一个长银包
2. 最好系要名牌，贵少少嘅
3. 唔好用就咁对折𠮶啲，要有扣或者有拉链嘅
4. 将所有纸币面值顺序放好兼同一方向排列
5. 唔好放散纸神沙
6. 唔好放任何单据
7. 经常 keep 住有多少少钱喺银包
8. 经常保持你个银包干净同整洁
9. 好好对待每一张放入你银包嘅银纸

即投“01最赏睇娱乐大奖”兼答简单问题，被选中内容最精彩、令人印象深刻及令人产生共鸣的答案，就有机会赢最新5G手机12 Pro，按此即投赢巨奖！

Bob在帖文直言大概在8、９年前开始有这个习惯，银包亦愈换愈名贵：“我发现我嘅财运真系有所嘅提升，我嘅年收入亦不知不觉间一步一步多咗。曾经有一个好有趣嘅统计数字，你嘅年收入（当然未必绝对准确），大约系你银包价值嘅200倍。信不信由你，反正我信了，亦实践中！乖啦，今日，去买个靓靓哋嘅长银包啦。”引来不少网民留言。

点击下图回顾：林盛斌九龙塘独立屋变按摩院　超笋价目表竟然有Bug？

Bob接受《香港01》访问时便坦言方法来自一本日本人写的书，叫做《为什么有钱人都用长皮夹？》：“同一时间我嘅风水师傅陈定帮都有叫我咁做，之后就开始咗呢个习惯。（个原理系点？）其实系培养你对钱嘅态度，你对佢好啲佢，就会对你好啲，所以个银包唔一定要买好贵，到有能力嘅时候可以再买贵啲，一来你又会好好珍惜佢，二来如果你相信𠮶个日本人做嘅统计，你嘅年收入系大约你嘅银包价值二百倍，咁都可以算系一种小小嘅投资嘅。”

Bob又指自己也知道不少有钱人用短银包或者只是用夹，所以方法只属参考之用，“不喜勿插”：“呢个理论未必应用晒喺所有人度，但系如果你选择相信，好好运用呢个逻辑同习惯，而最后又得到一个好嘅结果，咁咪得啰，亦都唔需要同其他人去比较，因为呢件事系冇对与错嘅，而且最重要始终系努力工作，有正确嘅目标同态度，同好好增值自己。”

同场加映：【多图】林盛斌IG贴养眼“助手照”　美少女真身绝非普通凡人