《唐人街》被抽起传同王浩信有关　陈展鹏：控制唔到工作以外嘅事

陈展鹏主演嘅无线剧集《唐人街》原定9月时播出，连预告都出埋街，但其后无线以要配合全球播映为由，临时抽起《唐》，改播马国明嘅《C9特工》。近日又有消息指陈展鹏原来将会唱埋《唐》嘅主题曲，并早在5月时完成录音，唯无线想造就王浩信再夺视帝，于台庆档期播《踩过界II》，令《唐》推出“无期”。

“01最赏睇娱乐大奖”名单出炉啦，6大娱乐奖包括最有话题新闻、最Sweet新闻、最强金句、年度风云人物、年度男神及女神，快啲参加有奖投票兼答简单问题赢最新5G手机12 Pro！

陈展鹏接受《香港01》访问时，提到作品未能出街时，似乎有少少无奈，他说：“真正原来我都有问过公司嘅，上次亦都讲过，之后我就无再问啦。我只可以讲可以储多啲存货，但其实都好怀念颁奖典礼，如果系咁我今年亦都唔会去，因为无作品入围，上年亦都无，其实自己呢两年好似无作品上。好多时喺街都会有啲路人问我几时有剧上、点解咁耐无戏，我知大家都有一段时间无睇我嘅作品，好在都有重播我嘅剧，不过都希望嚟紧一年再冲刺过，所有嘢配合得更多好。”

陈展鹏又相信有关的报道并不会影响与王浩信嘅关系，但他指有粉丝为此而掀起骂战：“粉丝唔会太懂分析，大家都支持自己的偶像，希望大家都比从前理智成熟。我微博已有一些人骂战，我真系唔想再发生呢啲事。我们做演员习惯比人误会，习惯清者自清。但其他人包括粉丝佢哋好简单，根本冇需要接受呢种委屈。”陈展鹏又笑言如果再传落去，难保会影响与王浩信的关系，并说：“我系演员，唔能够控制别人讲咩或者做咩，更加控制唔到自己工作以外嘅事，我只可以演好每个角色、挑战自己，希望观众亦会有同感。香港已经萎缩到大家都好艰难，我相观众眼睛系雪亮，边一位演员默默耕耘努力工作，希望大家都会给予机会，百花齐放。”真系好想快些睇到“煎pan”新作呀!

同场加影：陈展鹏囡囡听爸爸嘅歌劲陶醉　“小猪比”萌样融化万千网民

点撃下图睇更多“小猪比”萌样!