孔德贤被指介入廖慧仪恋情　郭子豪：私下冇讲过呢方面嘅嘢

郭子豪、丁子朗及邓佩仪今日（2/12）现身将军澳电视城为《欢乐满东华2020》排练，他们将表演难道甚高的踩灯泡环节。郭子豪直言项目具一定危险性，公司亦替他们买重保险：“系真嘅灯泡，首先会爆。爆咗安全措施做得唔够仲会漏电，听讲公司买重保险，我哋希望喺灯泡上面叠罗汉。”

经过一晚的排练，子豪坦言并不顺利，更险被灯泡碎片割伤：“我想做单脚动作，想效果丰富啲，但踩爆咗灯泡喺Platform度跌低，差啲吉亲啲玻璃。”早前他为台庆表演举起百磅木柱时，不慎伤及腰间旧患，但子豪说并不影响今次演出：“台庆第二日去睇脊医，争取时间康复，有咗经验今次落多啲腰封去保护。”

2020年落选港姐廖慧仪前男友Sam疑为情所困，于油麻地堕楼身亡，女方早前被指搭上孔德贤而跟Sam分手。郭子豪称不认识廖慧仪，亦不方便作出评论：“人哋嘅事我唔方便评论，都唔清楚。”

不过他曾跟孔德贤合作，私下却未有谈及过有关事情：“工作上有合作过，但私下冇讲过呢方面嘅嘢，God Bless。主动关心好似好奇怪，作为同事、朋友，畀适当空间佢哋紧要啲，我相信佢哋好成熟处理呢件事。”