冯盈盈拎Hermès Birkin包包开工　12万“道具”劲贵气

韩剧《夫妇的世界》年初播出时，引起观众极大回响，除咗剧情有追看性之外，女主角金喜爱嘅名牌手袋亦十分吸晴，由Alaïa LEONIE 19 HANDBAG、DELVAUX到Hermès Birkin，一个比一个贵气。而在内地剧集《三十而已》出现过嘅鳄鱼皮Birkin，虽然只系昙花一现，但200万嘅价钱足以令观众留下深刻印象。

最新5G手机12 Pro随时属于您！投选“01最赏睇娱乐大奖”兼答简单问题，内容写得最精彩、令人印象深刻及令人产生共鸣的答案就可以成为巨奖得主啦！

再睇睇本地剧集，如《爱．回家之开心速递》，被大小姐、熊若水等人视为名牌包包嘅系“哈密瓜”同“Channel”，睇完得啖笑。身为Hermès 粉丝嘅冯盈盈，早前喺IG Story晒出VIP订制款嘅Kelly bag凸显身价，事后佢表示手袋系爸爸所送赠，并不会同妈妈一齐两份用。近日忙于拍摄新剧《智能爱(AI)人》嘅盈盈，日前喺IG Story分享拍摄花絮，只见佢补妆时都要拎住剧本，看似十分用功，不过，最吸引网民嘅系盈盈手上嘅橙红色Hermès　Birkin！

如果呢个系道具的话，只能赞无线制作认真，因为呢一款Birkin，喺名牌手袋网站约售12万港元，如果呢个系盈盈嘅私伙的话，或者真系有如绯闻男友郑衍峰所讲“出个IG Post分分钟买到两、三个袋”，拎Birkin开工有几出奇。

点击下图睇Hermès VIP有咩袋款

冯盈盈富贵狂晒Hermès包包　拼色Kelly Bag原来系VIP专属？