郭富城揸车听到大女唱《对你爱不完》 超感动：佢唱得好温柔

郭富城（Aaron）今日（23/11）以代言人身份现身中环出席银行品牌活动。Aaron自爆日前揸车期间，听到后座上大囡唱著自己成名作经典名曲《对你爱不完》，大为感动：“当时听到佢唱嘅时候，我个脑即刻充斥著以前嘅片段，因为呢首歌系我第一首快歌。咁到而家听到囡囡唱畀我听，真系好大感触，其实佢连讲嘢都未识，都可以成首歌唱晒出嚟，我就觉得佢好有天份，而且佢把声唱得好温柔，所以我就觉得系一个承传。”