菊梓乔妹妹拍片进军KOL界　样貌反似另一位实力靓女歌手？

菊梓乔（Hana）签约星梦后机会不断，令自小要兼负母职凑大妹妹嘅佢终于可以松一口气。原来Hana妹妹亦俏俏入行，以网名“三楼百胃Stomachguchi”进军KOL界。见到佢左脚大腿至小腿有大片纹身，气质同Hana截然不同。

Hana妹妹细佢一年，11月生日刚刚33岁，Hana曾经喺访问中表示：“我畀晒啲钱佢（妹妹）读书，佢逃学㖞居然，我系唔食唔着唔瞓，打两份工畀佢读书，想佢至少要读完中学先可以出去同人竞争，佢逃学㖞竟然，捉过佢几次，然后我扮家长去见家长。佢会考得2分咋，我谂起都好嬲，相信每个家长都会明白我个种心情。”

最近Hana妹妹的起心肝进军KOL界，见到佢喺网上短片《凭实力单身》中饰演玩交友APPS嘅港女，黑面、藐嘴演得好到位。外形方面唔似家姐反而似歌手阎奕格，金色长曲发，贴身连身裙骚长腿，惊觉佢手脚都有大片纹身。Hana接受访问时承认妹妹拍片，仲笑言佢比自己演戏演得更好。