万千星辉2020｜冯盈盈被指忽然富贵感搞笑　否认炫富：大惊小怪

艺人冯盈盈近日被指受前无线老板、有“壳王”之称的陈国强照顾，所以“忽然富贵”，住豪宅孭靓袋，对此她大感搞笑：“呢个新闻都几搞笑。冇任何证据之下都讲啲唔系事实嘅事，都咁大回响。我都知道呢啲好无稽的新闻会好快过去，唔会摆系心上，所以自己都冇乜太大唔开心嘅感觉。”

对于男友郑衍峰为她抱不平，她直言：“其实唔单止系佢嘅，好多艺员同事第一时间问我‘你有冇事呀盈盈，睇开啲啦，好快过去啦！’搞到我以为自己病咗。”

她更回应被指炫富一事，“首先我系冇炫富，我系过返自己平时嘅生活。自己行得正、企得正，唔会因为其他人特别改变自己。我觉得大家大惊小怪，我哋公司赚钱能力高嘅女艺人都唔少。”她又认为网民的批评仅是“意气说话”。