踩过界2｜邓卓殷演PTGF跳楼浴血　误吞大啖血浆：要即刻揾水饮

邓卓殷（Amber）呢日(17日)为台庆演出彩排，又踢腿又劈板，搞到全身伤痕累累，佢接受《香港01》访问时话：“好在之前都有跟盼盼姐训练咗几个月，不过对脚都系瘀晒，呢几日啲化妆师都问我咩事要系咁遮瑕，好在台庆拣咗条长裙可以遮住。”

最近热播嘅《踩过界2》Amber都有份参演其中一个单元饰演PTGF：“戏中我饰演16岁学生系丁子朗女友，好耐无着校服啦！以前系旗袍款，第一次试呢啲纯情学生妹白色校裙look，好新鲜！”

Amber喺IG分享一张满脸鲜血嘅相片，正系剧中跳楼戏后影低：“仲记得系年初新年左右时间拍，第一次吊威也第一次怕跳楼戏，都瞓咗喺车顶成两三个钟。同场张振朗蔡思贝都好好，教我应该点做好啲，含住血浆要边个点喷出嚟。不过我都有唔小心吞咗一大啖，系啲好杰好杰嘅糖浆甜到不得了，要即刻揾水饮。”