【大步走】陈山聪首次饰演爸爸：估唔到一嚟有咁大个女

出名热爱跑步嘅陈山聪，为新剧《大步走》宣传，佢喺戏中饰演跑步教练，亦首次喺剧中做爸爸：“终于有机会饰演爸爸，但估唔到一嚟系刘颖旋咁大个女。最搞笑呢套佢做我个女，《超能使者》做我条女。”身旁嘅姚子羚不禁笑住话山聪外型可塑性好高。

戏中第一次做爸爸，现实生活中山聪亦系新手爸爸，囝囝Jaco七月初出世，一提起佢山聪即刻露出慈父笑容：“就嚟识转身啦，依家一有时间就帮下扶下，佢条颈都好有力。”身旁嘅子羚话：“但系因为疫情我仲未有机会见佢呀，成日睇片觉得Jaco好得意，希望之后有机会探佢啦。”