【大步走】刘颖旋俏丽短发新造型示人：从未剪过好唔舍得

刘颖旋（Tiffany ）周五(13日)出席新剧《大步走》宣传活动，戏中佢饰演陈山聪囡囡，Tiffany笑言：“山聪keep得太好啦！其实计下数佢系生得我出嘅。”本身Tiffany系篮球健将，不过拍呢套以跑步为题材嘅戏，都令佢有啲紧张：“一知接呢套戏我就开始练气，因为篮球讲爆发力，短跑我会比较在行，但都系爆𠮶几秒，呢套要长跑所以我都有少少担心。”

呢日Tiffany以一头俏丽短发新造型现身，令大家眼前一亮：“其实我从未试过剪短发，剪𠮶阵都好唔舍得，不过剪完出嚟效果都唔错，觉得做演员为工作转新形象都系专业表现嚟嘅。”