庄韵澄丈夫注册前被爆破产欠债　婚礼将一切从简：唔会放弃承诺

现年39岁的庄韵澄（Xenia、前名庄端儿）于上月月底宣布与细5年的吕成忠（Joe）拍拖，二人亦将于本周四（12/11）闪婚。结婚前两日，Xenia未婚夫Joe被爆出欠债、失业兼破产，更曾被收数公司上门追债。

面对种种传闻，Xenia以短讯回复《香港01》时指在报道出街前已知道Joe破产：“其实系，之前𠮶刻收到记者问，我未联络到Joe因为各自做紧嘢。佢系圈外人，我都尊重会想问清楚佢先再答，到㖊晚（9/11）记者打俾我就照直答。（当初知道Joe破产有冇好愕然？）我冇呀！”婚前两日未婚夫被爆出欠债等等的新闻，Xenia直言心情未受影响，而Joe的债务问题亦已经处理好：“我哋OK呀！冇办法啦，自己幕前都习惯咗。Joe𠮶边的报料人一直都系提供2018年嘅事情，换言之系Joe破产时或之前，他在破产前已经处理好。（即系债务事情已经系2018年嘅事？）系呀。”

Xenia曾表明不会帮Joe还钱让他提早解除破产令，亦坦言二人一直是财政独立：“一直都系㗎！（婚后都系？）都系呀。”对于种种的负面新闻，Xenia会一直陪着未婚夫面对，更大赞对方值90分：“我会一直在Joe身边支持同陪伴。我哋过2日都结婚啦！我都唔会因为佢嘅过去而放弃对大家嘅承诺。（Joe系咪100分男友？）90分啦，畀10分佢再进步嘛。（最满意Joe边方面？）细心同温柔。”

后日就是Xenia同Joe的结婚大喜日子，Xenia透露婚礼将一切从简，只会进行简单注册仪式及后与家人吃饭：“其实系简单注册仪式，因肺炎关系保障亲友所以出年先会举办婚宴。（会唔会有斟茶、接新娘等等嘅环节呀？）唔会呀。（有冇谂过出年嘅婚宴系点？）其实未有谂法㗎，我梦想都系简单，唔想做足传统式婚礼，希望宾客嚟到开心，有Live Band畀佢哋自由上台玩。”她指后日（12/11）的注册仪式未会邀请传媒采访，相关照片会容后发放：“我睇吓啲相靓唔靓先，因为话要全程戴口罩，我之后发畀你哋呀。（系咪奉子成婚？）哈哈，之后再讲啦！”

点撃睇更多Xenia照片：