郑俊弘何雁诗婚礼｜玩得唔够过瘾　陈滢不满：佢哋悭钱买最平𠮶只

郑俊弘（Fred）今日（11月6日）与拍拖两年半的何雁诗（Stephanie）拉埋天窗，恭喜晒！虽然因为疫情关系而未能够在海外举办世纪婚礼，但今日的现场环境都相当不错，以花做主题，简单之中充满住浪漫和幸福。

除了今日的主角郑俊弘（Fred）和何雁诗（Stephanie）之外，陈滢（Jeannie）、蔡思贝（Sisley）、赖慰玲（Winki）、吴嘉熙（Cheronna）和陈嘉宝（Anjaylia）等一班姊妹都十分抢镜！

她们接受《香港01》访问时，就大谈今早接新娘的趣事。蔡思贝：“今日好忙，我哋忙住开心同感动。”赖慰玲：“今日游戏环节玩得好开心，我哋自己觉得，但系陈滢就唔觉得系。”原来陈滢不满意接新娘时游戏的难度，她说：“话说佢哋之前开会倾嘢倾到5，6点，我𠮶日冇去就以为佢哋度咗啲好犀利嘅游戏，点知今日嚟到，话要用脚喺冰桶夹只‘一索’出嚟，又得𠮶两块冰，但系啲冰又溶晒。第二个游戏要啲兄弟跨过啲保鲜纸，点知佢哋又悭钱买最平𠮶只。”

不过蔡思贝就澄清说，原本是用了质素更好的保鲜纸，但亲身试过后发现不行，才找了陈嘉宝买一卷较平的保鲜纸。陈嘉宝笑说：“你知唔知我几尴尬，要冲入去问：‘请问你哋边只保鲜纸最靓，我就唔要。’吴嘉熙：“点知啲兄弟好易穿过啲保鲜纸，所以陈滢就觉得玩得唔够。”最后蔡思贝也补充说：“我哋度咗10个钟，就系谂点样唔整残佢哋。”

陈滢说：“边个娶呢两位都好，都会好好。”赖慰玲好奇追问：“三位系咪？你唔计自己嘅？”陈滢回答：“唔系，我系恶𠮶个吖，你哋系温柔嘅。”众人随声附和：“哦！”

赖慰玲又大爆当新郎读出爱的宣言时，蔡思贝竟然被感动到喊。蔡思贝说：“我哋平时好少见到阿Fred咁感性，今日突破见到佢情感好澎湃，自己都忍唔住就哽咽，跟住就喊。”吴嘉熙：“另一个就系佢父母带住何雁诗出嚟，我哋有一种妹妹终于出嫁嘅感受，有一种好感动嘅感觉。”众位姊妹还笑说已经预留了一个角落位给蔡思贝尽情喊。

点击下图观看早上接新娘情况：