翟威廉坦承上车要靠家人︰而家年青人都系要好靠屋企人嘅资源

无线明珠台于周三（4日）举行《变形金刚 终极战士》宣传活动，艺人翟威廉（William）接受《香港01》访问表示近来忙于拍剧集《飞虎》和《拳王》，两部剧也不需要特别练大只， 说：“但系身手嘅嘢就要练一练，因为我哋有啲打嘅嘢，系有啲拳击要做。”

早前，William搞清酒生意，被问到疫情有没有影响到生意，他指零售方面没有太大影响：“因为大家都嚟买酒返屋企饮，同朋友饮，反而个批发可能麻烦少少，批发好多餐厅都未恢复𠮶个要货量，但系好处系有好多网购嘅地方同我哋买返都好啲。”他笑言生意暂时还未回本，但暂时的发展也不错。他又指这盘生意是全家总动员：“（家人打本畀你？）系啊，冇㗎啦，全家总动员，其实都冇话打唔打本，冇话边个话事成个生意。”

William曾在节目《我要做业主》提及2017年就与家人合力以350万购入旺角一个297呎单位，引起回响，被问及此事，William直言：“好诚恳讲一句，而家现今年青人又好，你都系要好靠屋企人嘅资源，纯粹靠自己做一份工去可以买到一个单位，其实几难，所以我觉得冇屋企人差好远，但系若然真系冇屋企人嘅话，你就真系谂下点样去储第一笔钱先。不过讲就易，你储紧钱仲要生活㗎嘛。”所以他觉得可能要辛苦一点，找到一条可以突围而出的路。他坦承觉得自己比一般人幸福，“因为我同屋企人基本上好多嘢都系一齐商量，冇乜分你我。”

点击下图看更多活动照片︰

同场加映︰全民造星III｜十位值得关注的女参赛者　有两位都同MIRROR有关？