冯盈盈富贵狂晒Hermès包包 拼色Kelly Bag原来系VIP专属?

撰文: 邝钰莹
出版:更新:
冯盈盈日前在IG Story分享衣著打扮,桃红色Balenciaga cap碓系好衬个Hermès Kelly,再加埋纤腰上嘅Fendi真丝绑带,富贵又青春。(ig截图)

前港姐蔡嘉欣(Kayan C)曾拍片公开家中嘅名牌手袋柜,当中不乏Chanel同Hermès,加加埋埋随时够俾首付。同样系港姐出身、兼且系冠军人马嘅冯盈盈,日前她在IG Story上分享自己嘅打扮,虽然纤腰吸晴,但都不及身上嘅双色Hermès Kelly抢镜,事关该品牌嘅所有拼色袋款全部都需要订制,并且只接受VIP嘅订单,绝对系身份嘅象征。价钱方面,据名牌手袋网站显示,盈盈身上呢款Kelly bag订制价约为20万港元。

点击下图睇盈盈到底有几多个Hermès

+21

盈盈曾在节目上透露,18岁生日时收到爸爸所送嘅Hermès Picotin Lock Bag,原因系想佢有品味啲同学识欣赏靓嘢。非常听爸爸话嘅盈盈,自此走上Hermès之路,2016年港姐面试当日,拎住紫色Garden Party到场嘅佢,即时成为焦点,而之后盈盈亦曾被影到拎住约3万多元嘅红色Garden Party行街。

港姐面试,拎Hermès突显身价。(资料图片)

今年2月,盈盈同麦玲玲打孖出席乐易玲饭局,鲜红色嘅Constance Bag比麦玲玲手上嘅鳄鱼皮Birkin更为抢镜。Constance嘅官方价约为6万多港元,代购价由9万多元起跳。唔少女士都喜欢Constance,事关比较易衬衫。同年7月,盈盈出席乐易玲生日会,离场时虽然醉到脚步浮浮,但依然记得揽实价值约6万多元嘅Hermès Lindy上车走人。入行4年多,盈盈被公司力捧,剧集、综艺样样都有份,加上代言活动,吸金力惊人,难怪Hermès次次唔同款。

盈盈近来不时在IG分享打扮,但就从未拎过Hermès。识得晒,一定系用限时动态。。(crystalfyy@IG图片)

点击更多睇冯盈盈靓相:

+27