大妈在山涧冲凉引起哗然　森美：叫佢下次唔好啦！

近日网上疯传大妈公然在山涧全裸冲凉影片，大妈浸浴时引来两名大叔从旁驻足观看，影片一出引起全城哗然，有网民闹大妈伤风败俗。森美今日（20/10）现身上环出席活动时笑言：“我就冇睇到㖞，会唔会你哋睇错呀？系咪金山𠮶只美猴王嘅金狒狒喺度游水咋！然之后你哋阻住人哋。你哋肯定佢系人？唔系马鞍山雪怪呀！”

森美续指：“讲真如果洗手洗脚就唔好啦！会影响人哋嘅水源，始终有啲村民真系会攞嚟饮用，况且冲完凉啲皂泡同啲污水，系要经过过滤先可出得大海，如果直接流海就会造成污染，影响生态环境。”（见到咁嘅情况会否出面阻止？）森美笑言：“如果见到系少女，我就会即刻喝止，如果系大妈，就俾佢冲多一阵，因为佢年纪大，叫佢下次唔好啦！如果系男人就要闹，因为好不雅，始终男人可以去芬兰浴，不过任何人咁做都唔好啦！”