【木棘证人】罗仲谦开机前讲无聊笑话打乱情绪　张秀文：反佢白眼

张秀文今日（15/10）现身出席无线新剧《木棘证人》宣传造势活动。谈到在剧中扮演型男罗仲谦（饰高力基）的前女友，秀雯笑言全无过电感觉：“因为佢喺我哋拍嘅过程做咗爸爸，哈哈！因为成个爸爸嘅感觉出晒嚟，不过人夫都有啲吸引嘅，讲真过电就真无系冇，但讲真心说话，佢好乞人憎，因为开头嘅时候，大家都好认真对剧本，明明度好之后嘅情绪戏，当大家酝酿紧个情绪，佢梗系喺开机嘅时候就要讲笑话，仲要系讲啲好无聊嘅嘢，讲完佢自己喺度笑，我就会反晒白眼。”