邓丽欣与王子只可做“萤幕情侣”　8个月不见依然闪盲网友

今天（15日）是邓丽欣（Stephy）37岁正日，过往每年歌迷都会举办生日会为偶像庆生，可惜今年受疫情影响，未能如常举行联欢聚会。不过一班歌迷们仍相当有心，适逢10月11日是 Stephy 自家茶饮店“1011 SIP TEA”的成立两周年的大日子，特意在当日到沙田最新快闪店“野生捕获”老板娘Stephy，顺道为寿星女预早庆祝！Stephy 当日突袭茶饮店“巡舖”兼为店舖两周年举行简单的切蛋糕仪式，岂料一班歌迷早已在店里等候寿星女登场，送上生日卡及小礼物，令她非常惊喜，Stephy亦回礼送上茶饮赠券。

对于今年未能与歌迷举行正式的生日会，Stephy 难免觉得可惜：“原本以为今年未必同佢哋见到面，好开心今日有呢个机会，见个面影张相都好满足。系有啲可惜，冇得同粉丝玩耐啲同倾偈，但冇办法啦，因为疫情关系，大家都面对紧呢个问题，张就吓，希望疫情快啲过，或者下年补祝返。”Stephy 透露今年庆祝活动一切从简，只与朋友及家人简单食饭，愿望是身体健康，一切回复正常：“我谂今年好多人都有呢个谂法，平时觉得好正常普通嘅事，今年要得到都唔容易，就算同朋友食餐饭都唔易。”

点击图辑睇Stephy靓相！

提到与男友邱胜翊（王子）分隔两地，已有8个多月没有见面，Stephy 感叹只能在透过视像庆生，名符其实是一对“萤幕情侣”：“今年佢4月生日我哋已经冇得见面，唯有视讯庆祝，我整咗个蛋糕喺萤幕前同佢庆生，唔知佢今次会唔会都系咁做呢？”她表示要维系远距离恋爱是一门很高深的学问，秘诀是彼此的“信任”：“好多经歴过Long-D嘅朋友都明白，维系真系冇乜其他方法，只能每日互相分享自己嘅生活日常，大家信任程度高啲，即使有地方上嘅距离，但个心嘅距离都唔会太远。”