【使徒行者3】林峰获无线加持料成视帝　陈展鹏：唔一定有奖！

由陈展鹏、陈山聪、姚子羚、唐诗咏、伍允龙及王君馨主演的无线（TVB）新剧《唐人街》原定于9月21日晚上9时半播放，其后TVB突然抽起，改播由高海宁和马国明主演的《C9特工》，而台庆期间就临到林峰主演《使徒行者3》播出，因此有传TVB为林峰问鼎视帝铺路，连陈展鹏都要让路。

今日（10/10），陈展鹏以嘉宾身份到上环出席新店开幕仪式。对于《唐》剧无期播放，展鹏表示：“其实几时播我都唔知，要问番公司先，不过早排都做咗小小宣传，而我听闻系话想同内地同步播放，所以而家系等紧相关批文。计下计下，我都成两至三年冇见过观众朋友，不过都好，可以趁呢个时间去沉淀一下，有时候拍剧都拍咗好多角色，老土讲句自己唔闷，观众都闷。”

展鹏续指台庆月推播的剧集，不一定落实会获奖，“过往我拍过好多套剧集都喺台庆月播，好似《张保仔》咁都系，但我对手系黄秋生，最终我都攞唔到奖，反而《城寨英雄》剧都唔系台庆月播都有奖攞，所以我觉得唔关台庆月事。”

对于今届无缘争视帝宝座，展鹏坦言未感失望：“其实当自己攞过奖之后，都想百花齐放，如果年年你攞，观众系咪钟意先？有奖攞咁固然开心啦，所以我都好会期待有奖攞，因为可以证明得到观众嘅认同。”