黎瑞恩被人激亲“生蛇上眼”留疤痕：睇落几有煞气

黎瑞恩（小恩子）今晚（9/10）现身九龙湾出席微电影《骨肉香》庆功特别放映会。提到早前“生蛇上眼”几乎毁容，小恩子表示：“其实而家好番啦，因为伤及神经所以而家𠮶个位就冇乜知觉，医生都话有机会复发，所以要长期保持心境开朗先得。其实我记得我生嘅时候，系俾人激亲，突然之间好嬲，可能个免疫力即刻差咗就有发。（咩事激亲你？）咩事就唔讲啦，不过件事已经放低咗，所以之后都要小心，唔好俾啲突如其来嘅事激亲，要保持心境开朗。虽然而家有疤痕，但睇落都几有煞气，我Ok呀！”