杨柳青林子超夹份开健身艺校　自爆有“另类收入”：睇中上环够静

杨柳青（Wiyona）和林子超（Andy）因2011年参加now TV《CEO选拔赛》而结缘，两人自此更一拍即合，情同姊弟，不但共同进退先后加入无线（TVB），最近更夹份到上环大安台开设健身艺术教育学校“Studio12”，而学校亦将于明天（9/10）正式开幕。日前，两人接受《香港01》访问，大谈个中苦与乐，以及未来发展大计。

服装：Reebok HK（杨柳青）、Adidas HK（林子超）

点击下图观看“Studio12”环境：

两人前后总共花了三个月时间筹备，上至人手安排，下至网页设计，样样跟到足。不过，杨柳青就指两人百密一疏：“我哋好放心将装修交畀人搞，但最后发现唔得，个厕所冇抽气扇又冇得冲凉，帐篷订短咗一米，道门讲到明想右边拉去左边，但系整咗左边拉去右边。”最后要慢慢逐样逐样执好，幸而现在“见得下人”。林子超笑指两人均是“外向型”，所以要搞内部管理有如“重新返学”。

点击下图观看杨柳青专访靓相：

问总共投资多少钱？他们透露足有6位数字：“最贵系啲器材，其他嘢都拣咗用环保物料，所以都唔平，亦都想畀个大人同小朋友一个舒服、好Chill嘅感觉。（本身都预咁多钱？）唔系，本身预6位数头，因为呢度上一手都系做瑜伽，所以以为都系做少少装修就用得，点知收锁匙𠮶阵，先知俾人夷为平地，地板起晒、厕所又冇埋，我哋直情呆咗，留低𠮶两部冷气仲要系坏，要畀钱人拆。”

谈起各行各业受疫情影响收入大减，问会否担心蚀住做？杨柳青便指这次是长期投资：“唔太担心，反而系觉得疫情关系，令大家都更关注健康。”林子超则笑指这里开舖有“另类收入”：“好多人租嚟拍嘢，微电影、电影、剧集都会租场，而家都有两三次，应该系睇中呢区好静，好与众不同唔似香港。”

点击下图观看林子超专访靓相：

一齐夹份搞生意是做朋友的大忌，稍一不慎便会闹大交，他们亦承认为此嘈了好几次，最主要是两人步伐不一致，林子超说：“我份人好急，希望样样嘢都快快手做完，但佢心里面就有个计划，成日以为佢唔系做紧嘢，试过闹完交两三日唔想揾对方。”双方经过一段时间磨合才摸清楚对方个底。“所以我哋有条底线，点都唔可以影响个关系，一定要仲有Friend做。”