【有玄就有机】美国大选特朗普连任？　李丞责预测：好大危险性！

伍咏薇（伍姑娘）同李丞责师傅今日（28/9）现身电视城出席 myTV SUPER玄学节目《有玄就有机》记者会。伍姑娘就大赞李师傅口才了得，直指锋利过把牛肉刀，“我同佢做节目嘅时候，以为我会做上把位，点知由第一集做到第十三集做晒下把位，俾师传𡁻到我应一应，但我觉得好爽嘅，因为佢会一啖砂糖，一啖屎氹番我。”

而李师傅笑指自小睇住伍姑娘长大，“当年睇过伍姑娘喺《失乐园》嘅MV演出，令我泛起做歌手嘅意欲。等咗咁耐终于透过乐小姐（乐易玲）可以同众人女神伍姑娘合作做节目，真系觉得自己好有福。（美国临近大选，算唔算到特朗普会否连任？）呢个我觉得《香港01》应该就同我开一个专题嘅，其实今年上任嘅总统到明年之间，应该有个好大嘅危险性，关于冲突同健康嘅问题，所以都需要分析嘅，咁记得01快叫啲揾我啦，五十条线等紧你哋。”