【全民造星III】彭秀慧爆真人骚实际操作　梁祖尧：冇得呃㗎㖞！

《全民造星III》周六（26日）举行记者会，共有50名参赛者会见传媒，今季再度担任评判的梁祖尧接受访问时谈到：“我上年做评判嘅时候太Nice喇，想鼓励佢哋；今次我改变咗谂法，应该要狠狠地话畀佢听：你唔好嘥时间，或者你应该继续努力！”导师彭秀慧表示节目开始三星期已经用尽心力，体重甚至因此下降了不少：“每一刻都谂点帮佢哋好啲，全方位帮到嘅都帮，简单到用咩粉底，或者着衫趋向未必适合佢，应该点样对待演艺呢个行业，反而教得最少系做戏！”梁祖尧继而表示今季有彭秀慧与林二汶做导师很是安心：“成为一个好嘅人，从而成为一个好嘅表演者。”

《全民造星III》开宗明义邀请已出道的艺人回炉再造，艺人们重新面对挑战难免会听到闲言闲语，说起面对负评，两位都看得很开，亦表示这是必修之课，梁祖尧道：“正评同负评系一个Package，冇得避免！每个人都有自己处理嘅方法，有啲人好虚心好钟意人闹我，然后化咗佢，有啲人就会Block咗你等你永远都唔可以留言，我觉得冇所谓，所正负评都系廉价嘅，网上面讲句嘢唔使钱、又冇代价，啲人永远唔知听𠮶个人要付出几多！”

点击图辑睇今日记者会盛况：

《全民造星》作为一个真人骚，却每年都惹来造马疑云，这亦是彭秀慧第一次参加真人骚，她就表示：“真系好真！好多人问我真人骚真唔真，我觉得只要唔系呃人，咩都可以放上嚟。”梁祖尧早前主持另一档真人骚《调教你男友》亦深受欢迎，他就说道：“真人骚真唔真，真系睇你点样对待呢件事，你要求佢系真，佢就系真，如果你接受造假都可以，佢就会变得假！（《全民造星》）假唔到，如果要造到一个人赢，表演一Pat嘢咁样，或者完全冇光彩，冇得呃㗎㖞！”