【异搜店】吴业坤同陈晓华演情侣　自加拖手戏唔怕被人话抽水

吴业坤（坤哥）今日（25/9）现身电视城出席无线（TVB）新剧《异搜店》拜神仪式。早前坤哥自爆在剧中将会同陈晓华有亲热戏，但开拍至今成两个月时间，仍未安排拍摄，他心感被骗说：“其实由试造型嘅时候，一路讲讲讲讲到而家两个月之后呢，都仲未有，心谂系咪氹住我先？不过一日未到最后，都未知结果。大家亦都知我为咗呢场戏，同屋企只猫练咀戏，又同自己练习，上唇锡下唇，真系落足心机㗎！”

另外，坤哥亦透露同陈晓华做对手戏时学识加戏，问是否学洪永城加咀戏？坤哥即划清界线，并口震震话：“咦，我唔知㖞，我唔系好了解㖞，但就知道有时候有啲对白好Sweet但剧本冇写，到拍嘅时候我会加少少拖手，又或者搭膊头，增进情侣之间嘅感觉。（怕唔怕太入戏，情到浓时加咗咀戏？）咁我又唔会咁大胆，始终呢套剧唔系爱情剧，咁所以都唔会太过集中喺呢啲霎眼娇嘅嘢上面。”