【C9特工】高海宁剧接剧推播人气爆升：相信观众唔会睇厌

高海宁今日（17/9）出席无线全新喜剧《C9特工》宣传造势活动。高宁开心表示：“其实呢套戏两年已经拍完、之前都有排过期推出，好似喺上年台庆嘅时候讲过会出，后尾就收起咗，但今次同样发生喺套剧身上，突然又可以播，咁都真系好开心嘅，因为咁多年嚟拍咗咁多套剧冇出街，今次能够一次过推出晒，真系喜出望外。”

由《杀手》、《迷网》到《反黑路人甲》一剧接一剧，人气持续爆升。高宁笑言：“其实我已经冇晒存货啦！而家净返《七公主》，虽然一剧接一剧播出，我好相信观众唔会睇厌咗我，如果真系认真睇我，之前播嘅每一套剧，每一个造型人物性格都好唔同，反而我得到好多网民赞赏，话我原来可以做到唔同嘅角色，反而我觉得系一件好事。”